ARTIKEL

Aktiviti luar patut ditangguh dulu

Facebook
Twitter
LinkedIn
WhatsApp
Telegram

KUCHING: Serakup Pengajar Bumiputera Sarawak (KGBS) ngasaika nadai kebuah nutup sekula di Sarawak berindik ari penusah sebun naka diatu, ku Presiden iya Zulkiflee Sebli nyemetak.

Ku iya, agi mayuh sitak di nengeri tu ngerikod Tikas Pengamah Angin (IPU) baruh 100 enggau tikas nya berubah ninting jam.

Ku iya, enti sekula ditutup udah tentu deka ngeruga mayuh perambu ti udah diatur raban sekula.

“Aku andal penusah sebun tu enda lama laban enda lama agi deka ngalih ngagai monsun.

“Naka diatu, chukup meh ngingat ke nembiak nyaga pengerai diri baka ngena sengkabung mua kelimpah ngirup ai chukup ninting hari,” terang iya.

Ku iya, semina bisi sekeda sitak di Semenanjung Malaysia ti kena tempias sebum lalu enda engkeman Opis Menteri Pelajar (KPM) nutup tauka nangguh pengawa sekula jam diatu.

“Taja menua kala ngenuku Darurat Sebun sebedau tu tang lebuh nya gaya sebun balat nyadi lalu endang patut dikenuku darurat.

“Nya kebuah, KGBS ngarapka KPM ulih beratika pekara tu enggau lenak ngambi enda ngeruga pelajar nembiak kitai,” terang iya.

Nambahka nya, iya madah, enti sema sekula ditangguh, KGBS mega patut nitih sebarang pemutus.

“Engka KPM ulih nutup sekula bekaul aja ke alai bacha IPU ngelui 200.

“Pia mega, chara ti kala dikena nya meri kuasa ngagai Opis Pelajar Pelilih (PPD) nutup sekula nya chara automatik.

“Nya alai, sekula semina beoperasyen baka selama enti IPU nurun,” terang iya.

Zulkiflee mega madah, KGBS merambu aktiviti luar ngaul nembiak ditangguh dulu nganti bacha IPU nurun.

“Tu meseti dipejalai berindik ari IPU muak ke lemai tinggi agi lalu aktiviti luar nembiak mayuh diatur muak ke lemai.

“Kerejasama apai indai enggau penyaga beguna amat nyaga pengerai nembiak enti sekula ditutup.

“Sida meseti nyaga nembiak enggau manah, nadai guna sekula ditutup enti nembiak nyau rindang bemain ba luar enda dipatau apai indai,” ku iya nyemetak.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Meruked lancar muzik video baharu

KUMPULAN muzik tempatan Meruked melancarkan single dan muzik video terbaharu mereka berjudul Kining Posah pada Jumaat ini.  Menurut vokalis, Syed Ashraf Edruce, Kining Posah bermaksud

Tarikan ekopelancongan burung walit

AKTIVITI EKONOMI dan keusahawanan penduduk kampung mampu dibangun dan diperkasa melalui pembangunan Projek Ekopelancongan Burung Walit Kampung Merembeh. Projek tersebut membuka peluang pekerjaan baharu dan