Alternatif baru ngerembai dagang produk penganta

KUCHING: Pedagang enggau pengempu chap dagang kereban penganta Sarawak diatu ulih ngelakuka produk kelimpah servis sanding penemu pasal Pansik enggau Pemansang (R&D), penempa enggau rejista produk sida ba menua tu.

Sophia Taha Holdings Sdn Bhd (STHSB), sebuah serikat ditumbuh enggau bepalan ba Kuching madahka perengka guna nempa kereban penganta diatu benung ngaduka kunterik enggau chap dagang kediri empu.

Serikat keterubah Sarawak tu mungkal pengawa ba Taman Perindustrian Demak Laut enggau STHSB nengah kilang renggat GMP enggau rejista ba Unit Regulatori Farmasi Menua (NPRA), sedia mantu pedagang kereban penganta menua tu ngelakuka produk sida.

Chap dagang penganta Homegrown diatu majak dikelala bala pedagang sereta benung laku ba makit menua tu.

Direktor Pengatur STHSB, Dayang Sophia Abang Taha madahka pedagang ulih mansutka produk sida nengah kilang penganta ngena rega ti patut enggau bulih untung.

“Kami deka mantu penguna rejista produk enggau semua pekara bekaul perengka diguna regulatori produk sida,” ku iya.

DAGANG NGANTA… Sophia Taha Holdings Sdn Bhd tu kilang chap dagang penganta keterubah iya ba Sarawak ngerembaika dagang tu ngagai makit entarabansa.

Suara Sarawak