ARTIKEL

ADUN Tamin, Ir Christopher Gira Sambang

Ambi mayuh agi pengajar Jaku Iban

Facebook
Twitter
LinkedIn
WhatsApp
Telegram

KUCHING: Pengawa ngambi pengajar ba Universiti Pendidikan Sultan Idris (UPSI) ungkup opsyen Jaku Iban patut ditambah dikena napi penanggul suntuk pengajar subjek Jaku Iban di menua tu.

Kaban Kunsil Nengeri (ADUN) Tamin, Ir. Christopher Gira Sambang madahka Jaku Iban patut diberi perati sida Opis Menteri Pelajar (KPM) laban jaku tu udah diaku ba renggat tinggi dalam menua.

“Jaku Iban ukai agi jaku etnik ti dikena enggau disebut komuniti Iban aja, tang udah ngerembai nyadi siti ari jaku ti dipelajar ke rayat.

“Nya ukai semina jaku ‘mother tongue’ tang udah nyadi jaku budaya ngambika jaku nya terus dijaga,” ku iya dalam siti penerang media, kemari.

Ku Gira, nitihka data Sekula Primari (SK) ti ngambi kelas Jaku Iban bisi 693 buah ari 1,264 buka SK di Sarawak.

Ku iya, data penyampau kelas ngambi Jaku Iban di SK bisi 5,139 kelas ke alai nembiak ti ngambi Jaku Iban bisi 67,308 iku.

“Penyampau pengajar Jaku Iban di SK bisi 2,662 iku tang ari penyampau tu semina 352 iku pengajar aja ti dilatih enggau ngembuan opsyen ngajar Jaku Iban di SK.

“Sida tu pengajar ti nitihka Program Ijazah Sarjana Muda Perguruan (PISMP) tauka kus lain ti bekaul,” terang iya.

Reti iya ku Gira, 2,310 iku pengajar ti ngajar subjek Jaku Iban diatu ukai opsyen ungkup ngajar subjek nya.

“Tanya aku, nama kebuah KPM enggau Palan Pematih Pengajar (IPG) enda muka PISMP Jaku Iban taun 2022 enggau 2023 ungkup ngajar di SK di Sarawak taja pan maya nya penyuntuk pengajar benung nyadi.

“Data pengajar opsyen ngajar di Sekula Sekondari (SMK) mega kritikal laban semina 79 ari 502 iku pengajar ti ngajar diatu ngembuan opsyen Jaku Iban.

“Tu mai reti bisi 423 iku penagajar ti ngajar Jaku Iban ba SMK nadai dilatih tauka ukai opsyen Jaku Iban,” ku iya.

BERITA LAIN

BERITA TERBARU