Anak Iban ari Ng Menyebat, Ulu Lemanak champion pekit e-lumba Apex Legends Winter-Asia Pasifik (Selatan)

KUCHING: Anak Sarawak mujur mai pulai perais penyampau RM124,200 (AS30,000) pengudah champion Pekit Dunya Apex Legends Winter-Asia Pasifik (Selatan) begulai enggau tim iya ke benama Grape, ujung bulan March tu tadi.

Nitihka penerang, pemain e-lumba Apex Legends, Panggau Noel anak Uthan Chuat (BunnyH0p) nya pengari tunggal ari Malaysia ti masuk pekit nya.

Panggau tu kebendar asal ari Rumah Mujah, Nanga Menyebat, Ulu Lemanak Engkilili lalu diatu diau ba Kuala Lumpur.

“Kebendar, aku semina ngandalka diri bulih penuduk 20 pemadu atas dalam pekit tu.

“Nya aku madah ngagai tim kami, alah enggau menang nya kira dudi, asal mih kitai udah bebendar bepekit.

“Taja pia, aku endang ingin deka bulih gelar champion nya lalu diatu juluk ati aku udah nyadi nyata,” ku penerang dikunsi iya ba media rama. Berita silik ulih dipeda ba surat kabar Suara Sarawak pagila.

Suara Sarawak