ARTIKEL

BERITA GAGA… Siku indai mayas bisi dipeda mai dua iku anak sapit iya datai semak ngagai langkau Borneo Adventure’s Nanga Sumpa, Batang Ai kena 16 Januari tu tadi. | GAMBAR JAN VANMEERHAEGHE & ELS DECOCK

Anak mayas besapit bisi dipeda ba Langkau Borneo Adventure’s Nanga Sumpa, Batang Ai

Facebook
Twitter
LinkedIn
WhatsApp
Telegram

KUCHING: Siku indai mayas bisi dipeda mai dua iku anak sapit iya datai semak ngagai langkau Borneo Adventure’s Nanga Sumpa ba Batang Ai.

Pekara nya ditemu enggau dipeda pemalin temuai Borneo Adventure’s, Paul Matthew enggau Lemon Praddy kena 16 Januari tu tadi.

Siku pengari ari Borneo Adventure’s madah, nya rikod keterubah anak mayas besapit bisi dipeda ba Sarawak.

“Anak mayas ti besapit nya dipeda begulai enggau indai iya datai semak ngagai langkau Borneo Adventure’s Nanga Sumpa.

“Kami bepeluang ngemataka indai enggau anak mayas nya pengelama 45 minit sebedau sida menyanak berengkah tama ke kampung baru.

“Borneo Adventure’s meri nama ngagai kededua anak mayas nya ngena nama Paul enggau Lemon serimbai nama pemalin temuai ti dulu meda penatai anak mayas nya,” ku iya ba sebengkah penerang ensanus.

Iya madah, anak sapit baka nya jarang amat nyadi ba mayas lalu ngemesaika anak sapit nya udah tentu nating siku indai mayas.

“Ngemai enggau ngerekun dua iku anak sapit ba atas kayu ti tinggi udah tentu meri pemar ngagai indai mayas nya.

Baca lain  BKSS dibayar dua renggat ungkup penerima nadai akaun

“Anak mayas nya mega nyangka ulih labuh ari kerekun indai iya maya bejelangkit ba atas pun kayu,” ku iya.

Tampung iya, indai mayas nya mega meseti ngiga mayuh pemakai ngambi ulih ngasilka bekal tusu ti chukup ungkup dua iku anak sapit nya.

“Semua nya bepanggai ba gaya rampa menua ti likun enggau produktif ba pengawa nyendia bekal pemakai enggau ekosistem ti likun ngambi bala mayas enda punas.

“Kitai beterima kasih laban landskap rampa menua ba ulu Sungai Delok, Batang Ai tu nyendia ekosistem ti likun,” ku iya.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,