Anak mit empat bulan entara semilan bebadi nyawa 4WD labuh ke Sg Triso

SEBUYAU: Semilan iku ke bebadi nyawa ba penusah entukar 4WD labuh ke Sungai Triso udah ditemu magang.
Penusah nyadi ba penyangkai Feri Triso di Batang Lupar kena lemai kemari.
Pengari Palan Operasyen Bomba (PGO) Sarawak madahka Raban BBP Saratok datai ba endur nya ngenukuka penusah ngaul sebuah entukar 4WD bansa Ford Ranger chura unggu.
Sida ke bebadi nyawa tu lima lelaki enggau empat indu nyengkaum anak mit lelaki beumur empat bulan.
“Siti Aisha Abdullah, 36 taun, Mohd Ahmad Mohd Hamdan (empat bulan) Muhd Mustaqim Mohd Hamdan (5) enggau Mohd Aiman Mohd Hamdan (7).
“Deriba benama Ronany Ting, 33 taun, Wallace Phang (7), Alvin Phang (12), Khairunnisa Muhamad (14) enggau Nor Shuhada Mohamad (16).
“Semua sida tu ditukuka Derisa Klinik Pengerai Beladin, Awng Mohd Hamizan udah nadai kedap agi lebuh diperesa,” ku iya.
Nambahka nya, raban ari BBP Saratok enggau BBP Simunjan diasuh ngesah ngagai endur penusah nyadi pengudah nerima kangau ngenyit urung pukul 3.14 lemai.