ARTIKEL

SIKAR… Raban bomba sikar nyelamatka siku anak mit indu beumur setaun sebulan ti tepekul dalam entukar ba mua sebuah supermakit ditu, kemari.

Anak mit tepekul dalam entukar selamat

Facebook
Twitter
LinkedIn
WhatsApp
Telegram

MIRI: Raban bomba mujur nyelamatka siku anak mit beumur setaun sebulan ti tepekul dalam sebuah entukar ti tekunchi ari dalam ba mua sebuah supermakit ditu kemari.

Pengari ari Bilik Operasyen Balai Bomba enggau Penyah Penusah (BBP) Lutong madah, raban sida nerima kangau ngenyit nya urung pukul 8.55 malam.

Pengudah nerima ripot bekaul penusah nya, seraban bomba ari BBP Lutong digerah ngelawa palan penusah nya.

“Pengudah datai ba palan penusah nya, endang amat bisi siku anak mit indu beumur setaun sebulan benung tinduk sereta tepekul dalam entukar.

“Berebak enggau nya, raban bomba nguji muka pintu entukar nya ngena perengka khas nyentuk pintu nya mujur dibuka,” ku iya ba sebengkah penerang sehari tu.

Iya madah, operasyen nya diketu pukul 9.10 malam pengudah pintu entukar nya dibuka lalu anak mit indu ti benung tinduk nya mujur diselamat.

Ku iya, raban bomba mupuk mulaika diri ke balai pukul 9.11 malam pengudah nentu palan nya likun.

LAIN-LAIN BERITA

BERITA TERBARU