“Kitai di Sarawak chukup betuah laban perintah besai udah ngemendar perambu perintah nengeri ti bisi kaul enggau pengawa tu.”
SARATOK: Opis Menteri Pelajar Malaysia (KPM) endang bebendar nangkan semua sekula ngambi ngemeratka tiga subjek iya nya English, Sains enggau Matematik.
Kaban Parlimen Saratok Ali Biju madah pekara nya senutuk enggau juluk KPM ti deka meda berengkah 2021 dia perintah deka meda nembiak sekula landik ba tiga subjek nya.
“”Kitai di Sarawak chukup betuah laban perintah besai udah ngemendar perambu perintah nengeri ti bisi kaul enggau pengawa tu,” ku iya.
Iya madah munyi nya rambau bejadika Pengerami Makai Lemai SK Sungai Kelampai ditu, malam kemari.
Berebak enggau nya, Ali ngelalau bala pengajar enggau apai indai patut seruran nempa pemanah kaul enggau pangan diri.
“Enti kitai seruran manah kaul enggau pangan diri, semua pengawa dikereja tau nyadi lempung sereta sekula tau bulih pemutus peresa ti menyana.
Ba pengrami nya, Ali bisi ngagihka belanja RM10, 000 ungkup SK Sungai Kelampai.
Sama datai ex-kaban parlimen Saratok Dato Seri Edmund Langgu Anak Saga sereta bala ketuai raban bansa besemak.
