Anang enggai rejister dagang kotej

KUCHING: Pedagang kotej Sarawak diperansang rejister dagang ngambika perintah muntang agi mantu enggau nyukung sida.

Menteri Muda E-Dagang Sarawak Datuk Naroden Majais madah, kelimpah ngelaku enggau nyual produk, perintah mega mantu ba pekara bukai nyengkaum pemansang ba kapasiti, pengulih, belanja enggau premis dagang.

Ku iya, tebal agi pedagang industri kotej nadai lisin bedagang enggau rekod jualan ti penuh.

“Nya alai, mar endar opis menteri ngulihka data enggau penerang penuh kelebih agi ba berapa penyampau, pemesai enggau pemansut sereta asil dagang industri tu,” ku iya lebuh nyaut tanya Adun Lambir, Ripin Lamat ba Aum Dun, ditu tadi.

Suara Sarawak