KUCHING: Apai indai dilalau ngambika bala anak sida ke baru ada nerima tuchuk imunisasyen ba sepital sereta ngemeratka pengerai anak sida.

Menteri Pengintu Pengelantang Pendiau, Komuniti, Orang Indu enggau Pemansang Anak Mit Datuk Seri Fatimah Abdullah madahka igi penyakit polio ti ditemu nyadi di Malaysia apin lama ke udah ngasuh rayat menua tu begau.

“Udah betaun pengelama kitai dipadah nadai kena rampit igi penyakit polio tu, tang diatu igi penyakit nya datai baru lalu ngasuh semua kitai begau.

“Nya alai, bala apai indai patut bejaga sereta nitihka jaku lalau ari bala lutur enggau pakar perubat,” ku iya ngelalau.

Nangkan nya ku iya, apai indai enda patut irau lebuh nganjung anak sida betuchuk imunisasyen kelebih agi anak ke baru ada.

Fatimah madah munyi nya lebuh dirandau pemberita pengudah pengawa bejadika Program Dapur W.I ti diatur Gerempung Raban Indu Sarawak (PPWS) di Mydin Petra Jaya ditu, tadi.