BAU: Nembiak jeman diatu diperansang anak takut mantai enggau bekunsi bakat sereta pengelandik dikembuan sida ngagai mensia mayuh.

Kaban Kunsil Nengeri (ADUN) Serembu, Miro Simuh madah, nembiak jeman diatu chukup bepenau ba pengawa dikereja sida.

Nya kebuah ku iya, sida anang bisi penangi enggau asai takut mantaika pengelandik diri ngagai mensia mayuh.

“Nyadi chunto ti manah ngagai bakih kita nengah pengawa bekunsi penemu dikembuan diri.

“Pengawa bekunsi penemu ulih nyaup nempa mayuh agi nembiak tuai runding enggau mayuh peneleba,” terang iya.

Miro mansutka jaku nya lebuh bejadika Program Intervensyen Rama Nembiak ungkup Nembiak Bagi Menua Kuching di Akademi Bomba Bau, ditu tadi.

Nambahka nya ku iya, nembiak mega meseti nyikap diri enggau penemu ekonomi kemaya hari enggau gaya rampa menua.