Anang malut Covid-19 ngena politik

KUCHING: Kerejasama tegut semua piak beguna amat nentuka rantai igi penyakit Covid-19 ulih diputus.

Sapit Kepala Menteri Tan Sri Datuk Amar Dr James Jemut Masing madah, perintah meseti kering bejalaika pengawa ngelaban igi penyakit tu.

“Menteri Besai (Tan Sri Muhyiddin Yassin) nadai pilih bukai kelimpah ari ngelanjarka timpuh Atur Tagang Pejalai (PKP) nyentuk 28 April dikena nagang pengerekai igi penyakit berampit tu.

“Kitai enda ulih malut Covid-19 tu enggau pekara politik laban igi penyakit tu tau nabanka nyawa,” ku iya ba sebengkah penerang kemari.

Ku iya, igi penyakit tu tau ngerampit semua orang, nadai ngira umur, penuduk, bansa enggau jalai pengarap.

Nya alai ku iya, Malaysia diatu patut belajar nelebaka diri ba gaya pengidup sekumbang PKP.

Suara Sarawak