ARTIKEL

Anang minta kemisi tambah kediri – STU

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Gerempung Pengajar Sarawak (STU) ngarap semua pengajar enda nambah kemisi kediri (CRK) pengudah kemisi Hari Raya diberi Opis Menteri Pelajar Malaysia (KPM) taun tu abis.

Presiden STU, kullin Djayang madah, pengawa meri kemisi tambah sehari kena 19 April tu ulih mantu pengajar ti jauh ari diri sebilik merambu pemulai diri ngintu Hari Raya ba menua diri empu.

“Perambu meh pejalai diri pulai ke menua sereta pulai baru ke sekula enggau manah ngambi seruran likun kelimpah enda ngeruga hari besekula pengudah kemisi.

“Genap kemisi tambah kediri tu deka ngeruga pengawa ngajar enggau belajar ba sekula,” ku iya ba sebengkah penerang, tadi.

Kullin mega madah, STU ngarap KPM seruran betati ke musin pengerami bansa bukai ti bekaul enggau hari besekula.

Iya madah, Hari Gawai enggau Hari Krismas nadai penanggul laban kededua pengerami nya diintu maya kemisi penggal sekula.

Taja pia ku iya, ungkup pengerami Hari Deepavali, raban India ti gawa ba Sarawak bela keran deka pulai tumu ngintu pengerami nya enggau diri sebilik ba menua.

“Pia mega, pengerami Taun Baru China bela diintu maya hari besekula. Raban bansa China pen deka pulai tumu ngintu pengerami tu enggau diri sebilik.

“Naka diatu kitai ngarap KPM deka ngena chara ti patut mutar hari kemisi ungkup raban bansa bukai ngambi KPM meri kemisi tambah ti enda bechiping ngagai semua bansa ba menua tu,” ku iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,