ARTIKEL

Anang mudah kena ‘panjuk‘

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Scam Pancingan, Scam Parcel Barangan, Scam Derma Kebajikan enggau website e-dagang bula entara chara nipu ti suah digaga bala scammer nyerumba musin pengerami.

Tuai Opis Bank Menua Malaysia (BNM) Kuching, Mohd Irman Mohd Din madah, Scam Pancingan nya dikena ngulihka penerang diri baka penerang bank dikena bejalaika pengawa nipu.

Ku iya, taja pen mensia mayuh ngelala chara nipu nya tang agi mayuh sida kena panjuk.

“Scam Pancingan tu dianjung scammer nengah SMS tauka email sekali enggau link website bula serikat tauka bank.

“Bala scammer deka ngena chara tipu ngambi sida ti kena panjuk ngemaru akaun bank tauka ngisi penerang bank dikena mantu pansik.

“Pia mega, scammer madah sida ti kena panjuk bulih perais tauka bantu mata duit lalu ngasuh sida download aplikasyen (fail APK) pengawa mayar dikena nyendiaka servis tauka meli barang,” ku iya lebuh dirandau pemberita.

Iya nyemetak madah, mensia mayuh patut bejimat enggau Scam Parcel Barangan laban nyerumba musin pengerami tu, serikat servis pos, kurier, nganjung barang enggau serikat kapal chukup kiruh.

Tambah mega, tebal agi bala penguna diatu ngalih ngagai gaya pengawa meli nengah online.

“Bisi mega kes nipu lebuh scammer madah barang ti dibeli sida ti kena panjuk lenyau tauka agi ditanka raban penguasa baka kastam.

“Pia mega, bisi scammer madah sida ti kena panjuk menang perais besai ari sekeda serikat.

“Enti tudah deka ngulihka barang tu, sida patut nyimpan sekeda duit ba akaun khas ngambi barang tu enda ditanka kastam.

“Pengudah scammer bulih duit ari tudah, sida pen nadai temu agi lalu barang tu pen nadai datai ba sida ti kena panjuk,” terang iya.

Pia mega ku iya, Scam Derma Kebajikan dikena scammer maya musin Ramadan laban mayuh orang enggau serikat bejalaika pengawa meri bantu enggau pemeri ngagai raban ti beguna ke bantu.

Ngelansa silik, iya madah, scammer deka minta bantu ari mensia mayuh tang duit bantu nya enda datai ba raban ti beguna ke bantu.

“Tu ti ngujung ke sida ditipu ketegal juluk manah sida.

Nadai salah meri bantu tang kita patut mansik pengamat organisasyen tauka orang ti minta bantu tu,” ku iya.

Mohd Irman mega madah, siti agi chara pemadu tebilang dikena bala scammer nyerumba musin pengerami iya nya nengah website e-dagang bula ti nyendiaka rega murah ngagai mensia mayuh.

Ku iya, sindiket nya beoperasyen nengah pengawa ngulihka penerang penguna sereta meransang penguna ngaga akaun ba website sida.

Taja pia ku iya, lebuh penguna meli barang tauka bebayar nengah website bula nya, sida nadai bulih barang dibeli sida.

“Pekara ti balat ngirauka ati lebuh kita meri penerang diri enggau bank baka kad kredit ngagai scammer,” ku iya.

Iya ngelalau mensia mayuh ngambi meli barang ngena online nengah website e-dagang ti betul.

BERITA LAIN

Pemansang asil nagih MA63

MIRI: Pemansang besai ti udah dijapai Sarawak kandang beberapa taun ke udah asil ari nagih hak di baruh Sempekat Malaysia 1963 (MA63). Kaban Kunsil Nengeri

Solar melepung HEP Batang Ai

BATANG AI: Projek ladang solar melepung diu Tekat Hidroelektrik (HEP) Batang Ai deka dikerembai, ngena 60 peratus ari 8,500 hektar pemesai tekat ai nya. Premier

Graduet meseti bisi pengelandik

KUCHING: Sapit Menteri Pelajar, Inovasyen enggau Pemansang Penau, Datuk Dr Annuar Rapaee nyemetak madah ke pengelandik diri beguna endar ngagai bala graduet kelebih agi ba

IPTN agi dikerandau enggau KPT

KUCHING: Pengawa numbuhka Palan Pelajar Tinggi Nengeri (IPTN) agi dikerandau ba renggat Opis Menteri Pelajar Tinggi (KPT). Sapit Menteri Pelajar, Inovasyen enggau Pemansang Penau, Datuk

Semilan PATI diburu pulai

KUCHING: Soldadu Darat Malaysia (TDM) mujur nagang semilan kampar (PATI) ari Indonesia ari tama ke menua tu di Biawak, Lundu kemari. Markas 1 Divisyen ba

BERITA TERBARU

KL CITY BENAM NSFC 3-0

SEREMBAN: Negeri Sembilan FC mengalami kekalahan kali ketiga berturut-turut selepas tewas 3-0 di tangan Kuala Lumpur City FC pada saingan Liga Super di Stadium Tuanku Abdul Rahman,