ARTIKEL

NYIKAP DIRI… Bala raban APM Sarikei bejalaika belatih dikena nambah pengelandik sida ba pengawa nyelamat.

Anang nunu sepeneka ati

Facebook
Twitter
LinkedIn
WhatsApp
Telegram

SARIKEI: Raban pekebun enggau peladang dilalau ngambi enda ngereja pengawa nunu sepeneka ati berebak ari musin angat ti benung nyadi ba nengeri tu.

Pegawai Raban Penyaga Orang Periman (APM) Pelilih Sarikei, Leftenan Pertahanan Awam Shahrol Azizi Zaidi madah, inisiatif nagang beguna amat dikena nyeliah penusah angus ti besai.

Ku iya, penusah angus nya ngujung ke penanggul sebun nyadi kelebih agi ba sitak zon tengah Sarawak ti tebilang enggau pengawa betanam betupi.

“Kami ti nyadi sekretariat pengelikun ngelalau mensia mayuh kelebih agi komuniti betanam betupi ba sitak zon tengah ngambi seruran bejaga sereta ngemerat pengelikun diri empu.

“Anang neju sebarang utai ti ulih ngasuh sebarang penusah angus nyadi ba kebun kita,” ku iya rambau dirandau pemberita ditu, sehari tu.

Nya alai, ku Azizi, raban sida seruran nyikap diri napi sebarang penusah sereta meri bantu sebarang maya.

Ngelansa senentang Monsun Timur Laut (MTL), iya madah, sekeda latih pemun ungkup raban APM baka chara mai bot enggau ngatur penusah ngenyit diatu benung ranchak dipejalaika sida.

Ku iya, tuju bejalaika latih nya dikena nyikap raban sida bejalaika operasyen dikena napi musin landas.

LAIN-LAIN BERITA

BERITA TERBARU