ARTIKEL

Anang nyual barang bantu pemakai ke diberi orang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Komiti Penyangga Penusah Bagi Menua Miri (JPBBM) madah, sida tetemuka bisi orang ke minta bantu nyual baru bantu nya dikena ngulihka duit.

JPBB Miri ba sebengkah penerang kemari madah, peminta tu beambi uih pengudah nemu pasal kimpin Ngitang Tambai Burak ngerembai sebelah media rama.

“Taja pia, agi bisi orang ditemu beambi ulih pasal ‘tambai burak’ tu.

Nitihka pansik pegawai Opis Pengintu Pengelantang Mensia Mayuh (JKM), sida ti ngitang tambai burak nya laban deka nguji nasip, nunda bakih, nunda penerang dibantai ba media rama sereta bisi sekeda nyual baru bantu pemakai ti diterima nya laban deka bulih duit,” ku penerang nya.

JPBB Miri minta JKM enggau gerempung ukai dikuasa perintah (NGO) ngelalau bala penerima badu ngitang tambai burak pengudah nerima bantu pemakai.

MANSIK… Staf JKM ngumpul penerang sida ke udah ngitang tambai burak.

Ba lansa sama, Tim Staf Opis Pengintu Pengelantang udah nganjung 867 peminta bantu pemakai ba Miri kenyau ari dipejalaika JPBB Miri kena 4 Julai tu tadi.

Tim nya nyengkaum 15 bakih strategik JKM baka raban NGO enggau mega inisiatif JPBB Miri ngelala ruang bilik ke sebana, sida ke minta bantu pemakai enggau nganjung bantu pemakai ngagai sida ngitang tambai burak.

“JKM Bagi Menua Miri ngeripot sepenyampau 1,212 iku minta bantu pemakai udah diterima berengkah ari 4 ngagai 14 Julai tu tadi.

” 867 peminta udah dianjung iya nya 490 peminta ba Pelilih Miri, lima ba Pelilih Bekenu enggau 372 peminta ba pelilih bukai ba Bagi Menua Miri ke enda dipadah NGO,” terang iya.

Bisi 345 peminta diterima kena 13 Julai tu agi diadu laban agi ngiga NGO ngambi nganjung bantu pemakai nya.

“Tim tu udah nganjung nyau deka semua bantu pemakai ngagai sida ke minta enggau ngitang tambai burak ba Bagi Menua Miri.

Nitihka sebana diterima nyengkaum sida ke ditemu ngitang tambai burak baru, pegawai JKM deka mansik ngagai rumah sida,” ku iya.

Nengah kerejasama entara ejensi perintah begulai enggau NGO, serikat peribit enggau mensia mayuh, mayuh orang ke udah minta nya udah dibantu nyengkaum peranak menua luar ke diau ditu.

“Tim tu mega udah nyaup JKM ngelala NGO ke ulih nyuaka bantu baka tusu, lampin, bantu kereban perubat enggau ke bukai.

Tu nyengkaum HIKMAH Pampang Miri (bantu tusu), Gerempung Anak Bulan Mirah Pampang Miri (tusu enggau lampin) sereta orang ngarika diri (bantu kereban perubat),” ku penerang nya.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya