Andrew agi deka nyereta Pekit Golf Sarawak jemah

“Tu keterubah iya nyereta pekit golf ba ditu lalu aku deka datai baru ba pekit sebaka jemah.”

KUCHING: Andrew Dodt siku pemain golf profesional ari Australia mujur nyadi champion Pekit Golf Sarawak 2019 ba Damai Golf and Country Club.

Andrew Dodt mujut mai pulai trofi enggau perais penyampau ASD 54,000.

Lebuh bejaku, Andew meri besai terima kasih ngagai pemelanja enggau jurulatih iya.

“Tu keterubah iya nyereta pekit golf ba ditu lalu aku deka datai baru ba pekit sebaka jemah,” ku iya.

CHAMPION… Andrew Dodt pemain golf profesional Australia champion Pekit Golf Sarawak 2019 di Damai Golf and Country Club. Gambar- Nurul Fadzlyn Zamury

Nangkan nya, Richard T.Lee bulih lumur dua mujur mai pulai perais penyampau ASD33,000 lalu lumur tiga pulai ngagai Micah Lauran nerima perais duit ASD18,900.

Sepenyampau 156 pemai golf profesional ari 23 buah menua bepekit kenyau 15 Ogos nyentuk 18 Ogos tu tadi.

Ba pekara ti bekaul, Chairman Kaunsil Pemansang Ekonomi Sarawak (SEDC) Tan Sri Amar Abdul Aziz Husain madahka SEDC deka ngemanah perengkaguna ba Damai Golf and Country Club enggau hotel ngambi mayuh agi pemain golf ngelawa palan nya.

“Hotel Riverside Majistic enggau Hotel Grand Margherita tu palan pemadu manah penemuai pemain golf ba nengeri kitai tu.

“Nya kebuah, kitai patut ngemanah fasiliti ke bisi ngambi bala pemain golf ari menua luar rindu nemuai nengeri kitai,” ku Aziz.

Nambahka nya ku iya, Sarawak ulih nyadi palan pematak ari serata dunya nyadi palan main golf.

Suara Sarawak