ARTIKEL

ANTHONY CAMERON

Anthony nemu sejarah Sarawak, Malaysia ari apai

Facebook
Twitter
LinkedIn
WhatsApp
Telegram

KUCHING: Ngembuan siku apai ti kala gawa nyadi soldadu di Sarawak meri pengelebih ngagai Anthony Cameron ngelala lalu nemu pasal turai sejarah Sarawak enggau Malaysia.

Anak lelaki Mandal Presiden Gerempung Veteran Malaya enggau Borneo Nasional Australia Inc Pampang Autralia Selatan enggau Wilayah Utara (NMBVAA), Don Cameron nya madahka diri temegah laban apai iya siku lelaki ti kering sereta berani enggau chukup bejasa ngagai pengelikun di Sarawak.

“Apai aku gawa di Borneo dalam taun 1963 ngagai 1966 kelebih agi ba adan menua Malaysia enggau Sarawak.

“Lebuh gawa di Sarawak, iya kala beperang ba Kampung Gumbang, Bau,” ku iya.

Anthony bejaku munyi nya lebuh ditanya pemberita nyerumba Hari Ngenang Veteran Malaya enggau Borneo 2023 di Pendam Bujang Berani ba Taman Budaya Kuching, ditu kemari.

Iya madahka diri berasai betuah laban suah dibai apai betemu enggau bala bakih di Sarawak ti kala enggau apai iya gawa suba.

“Aku enda nemu iga nemu pasal sejarah perang apai laban diau ba Australia, tang aku nemu pekara nya nyadi dalam taun 1950 ngagai 1960 kelia.

“Apai aku chukup gaga gawa, iya chukup rindu gawa enggau bala Iban Tracker, polis enggau soldadu di Malaysia, New Zealand sereta British.

“Apai aku semampai tabi basa maya ninga lagu Negaraku enggau Ibu Pertiwiku, laban ku iya, nya kelai iya ingatka bala bakih veteran ti kala enggau gawa suba,” ku iya.

Iya mega mai lalu ngelalau bala nembiak ngenang jasa veteran di menua tu ti udah berambun nyawa ngetanka menua suba.

“Kenang jasa sida enggau manah ngagai bala anak enggau uchu kitai, taja sida udah midang, tang kitai seruran ingatka sida udah nyadi bujang berani menua.

“Aku ngarapka kitai terus nanggam kaul ngambi rat agi enggau pangan diri sereta begulai manah ba sebuah menua ti likun enggau lantang,” ku iya.

BERITA LAIN

Rampa menua meruan beresi

Aum Parti-Parti (COP) Konvensyen Langkar Pengawa Ubah Klimet Gerempung Bansa Beserakup (UNFCC) ngempuru bemacham raban pemegai taruh antarabansa ari dunya dagang, perintah enggau komuniti sivil.

BERITA TERBARU

Umat Islam puasa Ramadan dua kali pada tahun 2030

Kalendar Hijriah Islam dihitung berdasar putaran bulan, manakala kalendar Gregorian atau Masehi dikira berdasar perjalanan bumi mengelilingi matahari. Justeru, ini menyebabkan umat Muslim berpuasa 36