SIBU: Pengerami Ngiling Bidai Gerija Methodist Iban Sibu Jaya setipak enggau tuju mekuhka kaul entara raban Gerija Methodist.
Adun Ngemah, Anyi Jana madahka diri suah ngulu program diatur Gerija Methodist.
“Kebuah pia laban aku tu siku ari raban Gerija Methodist enggau agi mangku pengawa nyadi Chairman Gerija Methodist Iban Pasar Kanowit,” ku Anyi.
Anyi mansutka jaku nya ba Pengerami Ngiling Bidai Gerija Methodist Iban Sibu Jaya, apin lama ke udah.
Berindik ari iya, iya besemaya deka mantu gerija lebuh ngagihka belanja dikena sida bejalaika aktiviti ninting taun.
Ungkup tuju nya, Anyi minta raban Gerija Methodist Iban Sibu Jaya dipinta ngaga surat peminta enggau disempulang keretas kereja ungkup sebarang peminta belanja.
Ba pekara bukai, Anyi madahka palan servis iya deka meri bantu bayar lansam ngagai nembiak ari sitak Dun Ngemah ti nyulut ba peresa Sijil Pelajaran Malaysia (SPM) taun 2021 enggau ke deka nampung pelajar tikas Diploma enggau Degree.
