ARTIKEL

TEMEGAH… Malvina temegah mantaika pemutus peresa iya ngagai indai ti dikesayau.

Apai indai nyadi peransang Malvina Lenthey Jang bulih 8A ba SPM 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BETONG: Nembiak nyulut peresa Sijil Pelajaran Malaysia (SPM) 2023 ari Sekula Sekondari (SMK) Spaoh, Malvina Lenthey Jang ngaku apai indai nyadi peransang.

Malvina ti bulih 8A ba peresa SPM 2023 madahka diri lantang ulih ngemegahka apai indai ti dikesayauka nengah pemutus peresa nya.

“Aku ukai datai ari ruang bilik bepemisi tang apai indai naka ulih ngiga belanja dikena nyengulaka aku.

“Nya alai, aku belajar bebendar ngambi ulih ngasuh seduai temegah sereta nyapai juluk diri ti deka nyadi pengajar Subjek Jaku Iban enggau nampung pelajar ba Palan Pematih Pengajar (IPG).

“Tu meh tepa berega ti diberi aku ngagai seduai ketegal udah bebendar ngengulaka aku ngelama tu,” ku iya rambau dirandau Suara Sarawak.

Iya madah, maya ngambi pemutus peresa nya kemari, iya berasai gaga enggau temegah pengudah mujur bulih 8A.

Sebedau tu, ku Malvina, iya enda nyangka diri tau bulih pemutus peresa nyulut nya tang nya meh asil titik peluh iya ti bebendar nyikap diri napi peresa nya.

“Aku beterima kasih laban diau ba buding lalu langgur belajar ba buding chukup nemban.

“Maya belajar ba kelas, aku rindu nulis penerang ari pengajar ba bup not nitihka tikas pemereti aku empu ngagai topik ti dipelajar,” ku iya ti deka nyambung pelajar ba Palan Pematih Pengajar (IPG) nyadi pengajar Jaku Iban.

BERITA LAIN

BERITA TERBARU