Apin bisi perambu numbuhka ICQS baru

KUALA LUMPUR: Opis Menteri Dalam Menua (KDN) apin bisi perambu nirika Kompleks Imigresyen, Kastam, Kuarantin enggau Pengelikun (ICQS) di Kem Tapak Megah enggau Long Singgut, Kapit.

Menteri Dalam Menua, Datuk Seri Hamzah Zainuddin madah, perambu enggau pengawa ngaga sebuah Kompleks ICQS nya bepanggai ba penyampau pengusung pansut enggau tama ba adan menua nya.

Ku iya, pengawa nirika ICQS mega nitihka bantu ari Perintah Sarawak nyendiaka taba ti engkeman enggau strategik.

“Perintah Sarawak mesti nentuka jalai ngaul piak Indonesia nya rizab jalai enggau udah diaku (enti sema nya tanah orang ngatika diri),” ku iya.

Hamzah mansutka jaku nya lebuh nyaut tanya Kaban Parlimen Hulu Rajang, Datuk Wilson Ugak Kumbong ba Aum Kedua Bagi Penggal Ketiga, Parlimen Ke-14, ditu tadi.

Suara Sarawak