Aram belajar nganyam bakul

SARATOK: Serakup Indu enggau Srikandi PKR Saratok deka ngatur Kelas Belajar Nganyam Bakul Pemun enggau nadai bebayar ungkup mensia mayuh.

Ku Rosta Mun, kelas deka diatur kena Hari Enam minggu baru, 12 Oktober ba Palan Servis Komuniti ditu, urung pukul 9 pagi.

Iya ke mega pengajar kelas nya madahka sida nerima penyereta ari mensia mayuh, indu enggau lelaki.

“Barang sapa ke bisi ati belajarka chara ngepunka anyam baka bakul endang diterima.

“Kitai meransang sida ke indu ngerebut peluang tu ngiri enggau nambahka penemu kelimpah ulih ngansah pengelandik diri ba pengawa jari.

“Tu peluang chukup manah ngagai sida ke diau ba menua pesisir baka di Saratok enggau kandang menua ngelingi bekunsika penemu beranyam,” ku iya lebuh dirandau Suara Sarawak.

Rosta Mun

 

CHUKUP MANAH….Sekeda ari chunto peragam chura bakul ti deka dikunsi enggau bala penyereta.

Suara Sarawak