KUCHING: Barang sapa ti agi bedau tepantup makai buah rian diperansang datai ngulu ‘Durian Fiesta’ ninting minggu seraya ngelantang ati ba tebing pantai.
Semina bebayar RM50, mensia mayuh ulih makai rian ditu nadai tatak berengkah pukul 12 tengah hari nyentuk 4 lemai.
Damai Beach Resort nengah sebengkah penerang dibantai ba Facebook sehari tu madahka program nya diatur sepanjai bulan Ogos tu ninting Hari Enam enggau Hari Minggu.
Taja pia, mensia mayuh enda dikemendar mai rian pulai. Penerang silik ulih betelefon nuju lumur 082-846200/082-846 300 tauka Josephine ba lumur 019-886 4088/012-880 0353.
Kelimpah ari nya ulih peda penerang ba Insiders Club: https://bit.ly/2WLCluk tauka laman web http://damaibeachresort.com/offers
