ARTIKEL

Aram masuk pekit main bol

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARATOK: Bala pengemeran enggau peminat main bol diperansang masuk Pekit Main Bol Trofi Gawai Adun Krian, Friday Belik ti deka diatu ba bulan Mei tu.

Pengari pengatur pekit, Howard Bunsu Resik madah, pekit nya dibagi ngagai dua kategori baka Liga Main Bol Semilan Sepiak enggau Pekit Main Bol Veteran.

Ku iya, pekit nya diatur Palan Servis Adun Krian nengah kerejasama Kelab Lumba Rekreasyen Awik enggau Kelab Main Bol Krian.

ARAM SAMPAL…Mensia mayuh diperansang masuk Pekit Main Bol Trofi Gawai Adun Krian, Friday Belik ti deka diatu ba bulan Mei tu.

“Ungkup Liga Main Bol Semilan Sepiak 2023 Trofi Gawai Adun Krian, Friday Belik, perais mata duit RM2,000 deka nganti tim ti menggi gelar champion.

“Tim ba penuduk kedua deka mai pulai perais mata duit RM1,500 enggau trofi lalu penuduk ketiga enggau keempat bela deka mai pulai perais mata duit RM700 enggau RM500,” ku iya.

Iya madah, semina 32 tim aja dikemendar ngambi bagi ba pekit nya.

“Pekit main bol ba kategori tu deka diatur kena 20 nyentuk 21 Mei lalu renggat ke-16 nyentuk renggat kepenudi deka diatur kena 27 nyentuk 28 Mei.

“Sebarang orang ti deka masuk pekit tu diperansang ngerejister diri sebedau tauka kena 13 Mei lalu bayar tama RM150 sereta duit RM100 nyadi chengkeram ungkup genap tim,” ku iya.

Ungkup Pekit Main Bol Veteran 2023 Trofi Gawai Adun Krian, Friday Belik ku Howard, pekit nya dibuka ngagai lapan tim aja lalu deka diatur kena 26 nyentuk 28 Mei.

“Perais mata duit RM500 enggau trofi deka nganti tim ti champion lalu penuduk kedua enggau ketiga bela deka mai pulai perais mata duit RM300 enggau RM150,” ku iya.

Iya madah, pemain ti ngambi bagi ba kategori nya meseti beumur 40 taun enggau tuai agi ari nya.

“Nadai bayar tama ungkup kategori tu tang genap tim patut nyendia duit RM100 nyadi ke chengkeram.

“Genap tim ti deka ngambi bagi ba kategori tu diperansang ngerejister diri sebedau tauka ke 18 Mei,” ku iya.

Mensia mayuh ti deka nemu silik bekaul atur pekit nya diperansang betanya terus ngagai Howard Bunsu ba lumur 019-8295867.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU