Aras nyukung komiti ngumpul royalti ditumbuh

KUCHING: Perambu numbuhka sebuah komiti ngumpul bayar royalti muzik ba Sarawak enggau Sabah nerima sukung manah.

Gerempung Armada Anak Seni Sarawak (Aras) nerima manah perambu Opis Menteri Dagang Dalam Menua enggau Pekara Penguna (KPDNHEP) nyukung penumbuh komiti nya.

Ba siti penerang media kemari, perambu numbuhka komiti nya datai ari Gerempung Komposer Muzik enggau Penengkebang Video Muzik Sabah (Score).

Sida nya minta komiti belisin ditumbuh ngambi ulih ngumpul bayar royalti muzik khas di Sabah.

Siku komposer popular Patrick Kamis lalu mansutka buah runding tu ngujungka pekara nya disukung komposer, penanyi, pemuzik enggau serikat rekoding menua di Sarawak.

Suara Sarawak