ARTIKEL

Arung ART Renggat 1 KUTS deka tembu nitih langgur

Facebook
Twitter
LinkedIn
WhatsApp
Telegram

SAMARAHAN: Arung Transit Aliran Autonomi (ART) baruh projek Renggat Satu Ngelanchar Sistem Pengangkut Mengeri Kuching (KUTS) deka ditembu nitih langgur.

Ku Opis Menteri Pengangkut Sarawak (MOTS) ba siti penerang madah, Menteri Pengangkut Sarawal, Datuk Seri Lee Kim Shin bisi ngabas taba di Samarahan ensanus ngambi meda pemansang arung nya.

Iya andalka pengeransing Sarawak Metro enggau kerejasama Opis Kereja Raya (JKR) Sarawak sereta bemacham ejensi perintah ulih nembu renggat terubah projek KUTS nitih taga.

“Pengawa begulai tu nentuka kededua projek ulih dipejalai enggau lanchar dikena ngurang ke penanggul penguna jalai alun ba Jalai Besai Kuching-Samarahan,” ku iya.

Kim Shin nambah, nengah kerejasama enggau JKR, projek KUTS deka ngerumban pengawa ngaga sebagi ari arung ungkup Arung Biru Sistem ART nya.

“Tu deka ngasuh renggat kedua latih Proses Pembuktian Konsep (POC) ungkup ART ulih dipejalai ba sepemanjai jalai pandak Arung Biru ba bulan November,” tambah iya.

Prototaip entukar ART nya disadang datai ba Kuching manggai bulan Ogos lalu deka bejalaika latih injinir pengelama dua bulan di sitak The Isthmus ba bulan September enggau Oktober ti nyadi penyikap ungkup latih POC ba bulan November.

Baca lain  Agih belanja projek Jalai Raya Sabah Sarawak diperunding

Ba penerang sebaka, Operasyen ART baruh renggat satu ditaga dipejalai berenggat ari suku keempat taun 2025 nyentuk suku keempat taun 2027.

Sama datai Sapit Menteri Pengangkut, Datuk Dr Jerip Susil, Chairman Kaunsil Mengeri Kota Samarahan, Datuk Peter Minos, Residen Bagi Menua Samarahan, Mohamad Irwan Bahari Bujang, Tuai Pegawai Eksekutif Sarawak Metro, Mazli Mustaffa sereta Injinir JKR Bagi Menua Samarahan, Indra Sakti Haron. – EDISI UKAS 

BERITA LAIN

Sarawak nyadi pengeluar besai lada ba Malaysia

MINDY VELARIE CASILYSuarasarawak.news@gmail.com SERIAN: Sarawak dirikod ngeluarka 31,994 tan metrik lada ba taun 2023. Sapit Menteri Industri Pemakai, Komoditi, enggau Pemansang Wilayah (M-FICORD), Datuk Martin

Simunjan deka disikap ngena palan komersial

SIMUNJAN: Projek pemansang komersial ba sitak Simunjan bisi pengulih nyungkak ekonomi peranak lokal kelebih agi bala pedagang mit. Projek nya mungkur pengawa ngaga medan selera,

RM10,000 nganti Kumang Gawai Betong 2024

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais

Jini ninga indai manjung tiga kali

KUCHING: Anak tudah ti dipelaba ditagup jagu ba Sungai Rayu, Jalai Selang Lundu kena Hari Tiga tu tadi bisi ninga indai iya manjung tiga kali

BERITA TERBARU