ARTIKEL

Asa enggau penyadi apat kayu, enti nitih patut dibayar pampas

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARATOK: Penyadi pemayuh apat kayu ti anyut ari ulu Batang Balleh di Kapit terus nerima perati ari mensia mayuh.

Mayuh peranak asal ke endangd diau ba Kapit bela mansutka sebana diri bekaul enggau penyadi nya.

Ba penemu siku peranak Jalai Hilltop, Pasar Kapit iya nya Joseph Jinggut pengawa tu mandangka raban bekaul udah puntan bejalaika tanggung pengawa diri ngetanka pemanah rampa menua.

“Tu ukai keterubah tang kedua kali nyadi nangkan 2010. Nyadi orang ke balat kena empas penyadi tu iya nya kami ke endang diau ba Kapit.

“Penyadi tu balat ngasuh ati asa laban udah ngerusak pemeresi sungai,” ku iya.

SOLOMON KUMBONG

Nangkan ke nya, siku agi orang gawa ba kompeni peribit ke mega asal ari Telok Gimang, Balleh Solomom Kumbong penyadi tu patut dipansik awakka badu agi nyadi jemah.

JOSEPH JINGGUT

“Kami minta Unit Pengatur Kampung (FMU) matau pengawa kompeni batang ke udah ngerusak rampa menua.

“Nya alai, aku nyukung penemu dipansutka perintah (Sapit Kepala Menteri Tan Sri Datuk Amar James Jemut Masing) ti minta lisin batang kompeni bekaul tau enda ibuh disambung,” ku iya.

Berebak enggau nya, Solomon madah penyadi nya terang ukai ari pengawa bumai betaun tang ari pengawa nebang kayu batang.

Enti nitih peranak menua Balleh patut nerima bayar pampas ari kompeni ke udah ngujungka pekara nya nyadi.

Ungkup penemu kena 21 Ogos tu tadi, apat kayu chukup mayuh anyut ari ulu Batang Baleh ngujungka pejalai kereban pengangkut sungai ari Kapit-Sibu nyau tejanggal.

BERITA LAIN

BERITA TERBARU