KUCHING: Akademi Sarawak Dayak Iban Association (Asadia) deka ngatur Pekit Ngajat Tropi Sapit Kepala Menteri nengah chara online.
Ketuai ASADIA Mabong Unggang nengah sebengkah penerang sehari tu madahka, pekit tu tebuka ngagai kategori indu lelaki deka belabuh 25 Mei nyentuk 7 Jun 2020.
“Keterubah mensia mayuh mesti tama dalam ‘group’ whatsapp nengah lumur aku tu 012 6925552 ti nyadi ketuai pekit tauka nuju sekretari pekit, Victoria Jim ba lumur 012 2161485.
“Semua penerang pekit mega deka dipadah dalam ‘group’ whatsapp nya.
“Nangkan nya, kita tau nganjung klip video tauka ulih dianjung ba laman FB Akademi SADIA serta email asadiabt7@gmail.com enda laun ari 13 Jun 2020,” ku iya.
Nambahka nya, ku iya, komiti pekit mega bisi ngatur kategori pemayuh ‘like’ alai pemekit dipinta ngirum tauka bekunsi klip video ba FB Page Akademi Asadia.
“Perais champion pekit iya nya RM500 ditangkan lumur dua RM300 enggau lumur tiga RM150 sereta bela disempulang midul enggau setipikit.
“Ba pekit pemayuh ‘like’ perais ungkup champian iya nya RM150, lumur dua enggau tiga RM 100 enggau RM50 sereta sama bela disempulang midul enggau setipikit,” ku iya.
