Aset APM S’wak betambah napi musin landas

KUCHING: Angkatan Pertahanan Awam Malaysia (APM) Sarawak nerima 45 bot ngambika diagih ngagai selampur menua dikena nyikal diri napi musim landas tauka Monsun Timur Laut (MTL).

Sapit direktor iya, Leftenan Kolonel (PA) Cuthbert John Martin Quadra madah, APM Sarawak diatu bisi 116 bot ari aset ke ditambah baru nya.

Kenu ku iya, semua bot nya deka diagih enggau jampat ngagai semua bagi menua.

“Bot fiber glass ti diterima kitai tu setipak endar enggau operasyen ngiga enggau nyelamat (SAR) enggau mindahka sida ke tasah bah,” ku iya.

Iya mansutka jaku nya lebuh ngabas pengawa nyikap diri MTL ba Palan Latih APM Sarawak ditu, tadi.