Atlit elit Sukma lebih diperati Kelab Flying Dayak

KUCHING: Kelab Olahraga Flying Dayak Miri ngemeratka raban atlit elit ti deka ngarika Sarawak ba Sukma neruska latih ba padang trek dibanding enggau atlit bukai ke bela dijaga dibaruh kelab.

Tuai Pematih Olahraga Kaunsil Lumba Nengeri Sarawak(MSNS), Watson Nyambek madah, naka tu latih ba padang trek dibagi dua ungkup kelab enggau atlit ti deka napi Sukma.

“Laban palan tu enda besai, kitai meri awak ngagai atlit elit belatih ba trek dibanding enggau atlit bukai tauka tim penabat.

“Tim penabat mega deka belatih kediri tang ngena trek jalai tar,” ku iya maya dirandau Suara Sarawak kemari.

Ku iya, genap latih tim penabat deka diripot nengah chara nganjung video belatih.

Tandu iya, maya terubah ngena trek jalai tar endur belatih bala atlit penabat berasai enda nyamai laban enda teleba tang diatu sid audah teleba lalu ulih ngena palan bukai endur belatih.

Kelimpah nya, aku madah pengulih atlit elit naka tu nurun laban lama udah enda belatih ba kompleks lumba enggau semina bepanggai ngagai latih pengeregas ba rumah aja.

Watson sebedau tu kala madah diri tusah deka beratika penegar pelanda bala atlit sekumbang timpuh Atur Tagang Pejalai (PKP) enggau latih ba trek chukup beguna dikena beratika bala atlit.

Iya mega madahka diri gaga meda bala atlit ke diiaga iya diatu udah mupuk belatih baka selama enggau chara baru iya nya nitihka Atur Pengawa Standard (SOP) ke udah ditetap dikena nagang pengerekai pandemik Covid-19.

Watson Nyambek

Suara Sarawak