ARTIKEL

Atur baru tama ke Bintulu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BINTULU: Mensia mayuh ke udah genap nerima dua dos vaksin Covid-19 ba timpuh dua bulan enggau lebih ari nya deka dikelaung ari beperesa chulit sebedau tama ke Bagi Menua Bintulu.

Chairman Komiti Penyangga Penusah Bagi Menua Bintulu (JPBBB), Jack Aman Luat madah, pemutus nya digaga komiti nya maya aum kemari seriris enggau Renggat Kedua Pelin Ngemanahka Menua (PPN).

Taja pia ku iya, pemutus nya deka dipansik baru ujung bulan tu bepanggai ngagai kes Covid-19 di Bintulu.

Iya mansutka jaku nya ba aum pemberita pengudah betuaika aum JPBBB kemari ba Bilik Aum Opis Residen.

“Pemutus nya dikena meransang sida ke apin rejister ngambi rejister enggau lengkas enti sema deka tama ke Bintulu,” ku iya.

Jack mega madah, sida ke deka bejalai entara pelilih mesti minta permit polis laban pejalai entara pelilih enda dikemendar di baruh Renggat Kedua PPN ba menua tu.

Nambahka nya, sida ke deka bejalai ari Bintulu tauka baru transit di Bintulu enda ibuh beperesa chulit.

“Tang sida ke bedau nerima vaksin enggau deka tama ngagai Bintulu mesti peresa chulit enggau sida ulih ngena pemutus peresa nya pengelama 14 hari,” terang Jack.

Ku iya, sida ke gawa dalam servis diguna enda ibuh peresa chulit enti mindah ari siti pelilih ngagai pelilih bukai ba Bagi Menua Bintulu lalu sida semina begunaka tingki enggau surat ari pengaji.

Jack mega madah, komiti nya mega udah merambu ngagai Komiti Penyangga Penusah Nengeri (JPBN) ngemendarka sektor ekonomi di Bintulu dibuka ari pukul 6 pagi nyentuk 9 malam.

Siti agi perambu nya penumpang ti dikemendar dalam siti entukar ungkup sektor perintah enggau ekonomi ditatak ngagai tiga iku enda nyengkaum deriba.

Jack madah, perambu ngubah Atur Pengawa Standard (SOP) ungkup Bintulu udah dibantai ngagai JPBN ngambi digazet enggau dikenuku.

Nambahka nya ku iya, SOP Bagi Menua Bintulu endang nitihka SOP baru.

“Taja pia, kami deka merambu ngemanahka SOP ke diatu nitihka sekeda pekara.

“Kami naka ulih mendingka sebana rayat enggau beratika sekeda pekara pasal nasip rayat kelebih agi dalam sektor ekonomi.

“Kami nguji nyebelaka atur tang semampai bejejaga enggau varian baru Covid-19 diripotka ba Sarawak,” terang iya baru.

Jack madah, komiti nya merambu nendurka sekeda atur pasal aktiviti ekonomi nya.

“Kami enda ulih madah dulu nyentuk bulih pemendar ari JPBN,” terang iya.

Ngelansa pasal Program Betuchuk Vaksin Covid-19 Bintulu, iya madah bepelasarka penerang ari Raban Betuchuk Vaksin Covid-19 (CITF) Sarawak, 201,442 iku ba Bagi Menua Bintulu udah nerima vaksin naka 13 Julai tu tadi.

Terang iya, sepenyampau 157,779 iku tauka 78.32 peratus udah nerima dos keterubah seraya 67,124 iku tayka 33.32 peratus udah nerima dos kedua.

Sama datai Sapit Residen Bagi Menua Bintulu Hussaini Hakim, Pegawai Pelilih Bintulu Muhammad Dino Amid, Pegawai Opis Pengerai Bintulu Dr Melvin Chung enggau Tuai Polis Pelilih Bintulu Superintenden Zulkipli Suhaili.

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

JHS chakah nyaga ekosistem bakau

KUCHING: Opis Kampung Sarawak (JHS) enggau raban volunteer ari Kampung Buntal nanam 200 paung kayu Bakau Kurap (Rhizophora Mucronata) sereta ngumpul 171 kilogram uras ba

BERITA TERBARU

Anwar puji pengalaman luas Awang Bemee

KUALA LUMPUR: Datuk Awang Bemee Awang Ali Basah, yang dilantik sebagai Yang Dipertua Dewan Negara yang baharu, mempunyai pengalaman luas pada peringkat negeri dan persekutuan