Atur bekurung patut dipejalai sepanjai Jalai Salim – Belalang nyeliahka trajedi Kluster Pasai

SIBU: Lebih 1,000 iku peranak ke diau sepanjai Jalai Salim – Belalang dipelaba ulih kena rampit Covid-19.
Sapit Chairman Kaunsil Pelilih Menua Pesisir Sibu (MDLBS) Kaunsilor Wong Ching Yong madahka penusah nya tau bepun ari dua kes positif ke dirikod ba sebuah rumah panjai dia, kemari.
Ku iya, bisi lapan buah rumah panjai enggau sebuah sekula primari ba sepanjai jalai nya.
“Tu kes keterubah dirikod ba sitak Dudong ngaul sebuah rumah panjai ditu ke dikategori kes berampit dalam menua.
“Taja pia, pansik silik agi dipejalaika raban ari Opis Menteri Pengerai (KKM) ngambika pun penyakit nya tau berampit ditemu.
“Pekara ke nyata, kes tu ukai berampit ari Kluster Pasai.
“Ari nya aku melabaka penyampau tubuh mudah dirampit lebih 1,000 beratika penyampau tubuh peranak ke diau dia,” ku iya.
Nambahka nya ku Chin Yong, bepelasarka penemu sekeda orang ke anda pasal penyakit berampit sebedau tu, semua lapan buah rumah panjai enggau sekula primari nya mesti diasuh bekurung di rumah.
“Kitai enggai berambunka nyawa orang rumah panjai tebal agi diuan sida ke tuai enggau nembiak mit sereta orang ke bisi penyakit raya ke mudah kena rampit penyakit.
“Manah agi atur terit dipejalai laban kami enggaika trajedi Kluster Pasai nyadi baru di genturung Jalai Salim-Belalang,” ku Chin Yong madah nyemetak.
Berita penuh Ruai 6 pagila.

Suara Sarawak