ARTIKEL

Atur mayuh aktiviti ngenang jasa soldadu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SRI AMAN: Raban Gerempung Veteran Soldadu Malaysia (PVATM) diperansang ngatur mayuh agi aktiviti ngaul pengari rayat Gempung Parti Sarawak (GPS) dikena ngenang jasa enggau servis sida maya agi gawa suba.

Sapit Menteri Pelajar, Inovasyen Enggau Pemansang Bakat ti mega Adun Simanggang, Datuk Francis Harden Hollis madah, pekara nya beguna ngambi raban veteran soldadu meruan dikeingat sereta dibasa laban berambunka nyawa ngetanka menua. 

“Malam tu (29 April 2023) kitai ngemata pengawa meri Pingat Setia Sentiasa Berjuang (PSSB) ngagai 33 iku ex-ATM ari enam pampang PVATM. 

“Ba pekara tu, kaban gerempung mega dipinta seruran beduruk mantu gerempung bukai ngambi sida seruran ditemu pengari rayat lalu pengari rayat ulih meri bantu ngagai sida,” ku iya. 

Harden bejaku munyi nya rambau Pengerami Makai Lemai PVATM ba sebuah restoran ditu kena 29 April tu tadi. 

Ku iya, PVATM meseti regas nyadi sebuah gerempung ukai dikuasa perintah (NGO) ba pengawa meri servis nyadi sebuah gerempung di baruh perintah ke diatu. 

Ba program nya, Harden udah nyuaka agih belanja Projek Mit Pemansang Menua Pesisir (MRP) RM10,000 ngagai PVATM Pampang Sri Aman ke alai RM5,000 ungkup Komiti Srikandi PVATM Pampang Sri Aman. 

Sama bisi datai Presiden PVATM Kapten (Pinchin), Datuk Sharuddin bin Omar, Presiden PVATM Pampang Sri Aman, Penghulu Riji Gu enggau bala bukai.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU