Atur mayuh program lumba entarabansa di Sabah enggau Sarawak

KUCHING: Pekit Lumba Le Tour de Langkawi(LTDL) 2020 Renggat ke-25 ke dipasuk 123 iku penyereta ari 21 tim ba Padang Merdeka tumu pagi pukul 8.30 pagi, ditu pagi tadi bejalai enggau mujur.

Pengawa lumba tu penyauh urung 98 kilometer lalu abis mega ba Padang Merdeka.

Menteri Nembiak enggau Lumba Malaysia, Syed Saddiq Syed Abdul Rahman madah LTDL kepenudi diatur ba Sarawak dalam taun 1997 lalu diatur baru kedua kali pengudah 23 taun.

“Aku ngarap mayuh agi program lumba ensikal renggat entarabansa diatur ba Sabah enggau Sarawak.

“Kelimpah ari nya, aku mega meransang bala nembiak nyereta aktiviti ensikal ngambi tubuh regas enggau manahka pengerai,” ku iya.

Saddiq mansutka jaku sebedau bejadi pengawa ngelepas pelumba ensikal Le Tour de Langkawi(LTDL) 2020 di Padang Merdeka, ditu kemari.

Nambahka nya, Menteri Nembiak enggau Lumba Sarawak ti mega Menteri Dagang Temuai, Seni enggau Main Asal Datuk Abdul Karim Rahman Hamzah madah, Perintah Sarawak ngelaluka lumba LTDL ti diatur kedua kali pengudah lama enda diatur ba menua tu.

“Aku beterima kasih ngagai Perintah Besai kelebih agi Menteri Besai kitai laban ngatur program ke chukup manah tu ba Sarawak.

Suara Sarawak