Atur patut beratka pengelikun pengajar ke pulai

KUCHING: Kerejasama Polis DiRaja Malaysia (PDRM) ba atur pemulai bala pengajar kitu entara inisiatif ke chukup manah ngambi nyaga pengelikun semua.

Presiden Serakup Pengajar Sarawak (STU), Macky Joseph madahka sida seruran nitihka Atur Pengawa Standard (SOP) ti udah ditetapka.

“Atur nya endang manah nentuka tiap pejalai ngagai endur ti dituju udah dikemendar magang.

“Enti bisi peminta Opis Menteri Pelajar Malaysia (KPM) berunding enggau PDRM pasal pekara tu, kami endang nerima laban berundingka pengelikun serap komuniti.

“Tambah mega, pengelikun diatu nyadi pekara pemadu dikemerat,” terang iya.

Macky mansutka jaku nya lebuh dirandau pemberita Suara Sarawak bekaul pemulai bala pengajar ti entara nengeri kena Hari Dua tu tadi.

Ku iya, semua orang mesti bejalaika pangku pengawa diri dalam pekara tu nentuka pengelikun seruran dijaga.

Suara Sarawak