Azam ngatur program nginang burung lelayang, 12 Nov tu

KUCHING: Sepenyampau 50 penyereta disadang datai nyereta program diatur Angkatan Zaman Mansang Sarawak (Azam) bekunsika penemu pasal nginang burung lelayang komersial kena 12 November tu.

Kurator Sarang Burung Dunya, Dr Charles Leh madahka program nya dikena bekunsika penemu enggau ngajar bala penyereta chara enggau beranakka puku ari nginang burung lelayang.

“Aku ngarapka bala penyereta deka bisi juluk pasal pengulih industri tu kelebih agi ngena pemansang teknologi diatu.

“Bala penyereta deka diajar chara komuniti patut nyaga enggau ngintu rampa menua kitai,” terang Hisham.

Berindik ari nya ku iya, program nya sebagi ari aktiviti khas diatur ungkup raban Azam enggau meri peluang ngagai semua komuniti ti ukai raban Azam.

Dr Charl siku raban zoologi enggau kurator sejarah asal Muzium Sarawak ari taun 1982 nyentuk pun taun 2018 lebuh iya pinchin.

Kelimpah ari nya, iya mega siku pengelicha Unimas, Fakulti Sains dan Sumber Teknologi ari taun 2002 ngagai 2004 ti bejalaika pansik pasal burung lelayang pengelama lebih 30 taun.

Barang ke bisi ati nyereta program tu tau telefon AZAM Sarawak ba lumur 082411799 (Nissa Normin) ungkup penerang bukai.