ARTIKEL

Badu agi berebut kuasa politik

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Parti Sa’ati Rayat Sarawak (SUPP) Pampang Kuching minta semua kaban politik badu agi berebut kuasa udah tu.

Dalam siti penerang media, SUPP Pampang Kuching madahka pengawa berebut kuasa nyadi Menteri Besai sebedau tu udah ngujungka Malaysia nyau lubah mutarka pengerekai penyakit Covid-19.

“Pengawa nagang pengerekai Covid-19 enggau pengawa ngemanahka ekonomi patut nyadi perati pemadu besai perintah.

“Rayat udah leju meda semua laya politik enggau semaya bula ti digaga kaban politik,” ku penerang nya.

Penerang tu madah baru, pandemik Covid-19 udah balat ngenusahka rayat, ngasuh rayat nangi sereta takut enggau udah ngasuh mayuh nyawa midang ngujungka sekeda rayat menua semina ulih nganti enggau meda aja chara perintah ditumbuh baru.

“Taja Gempung Parti Sarawak (GPS) bisi 18 iku kaban Parlimen, tang diatu sukung sida disebut nyadi raja dalam penanggul politik baru.

“Dalam pekara tu SUPP Pampang Kuching deka bebendar negapka pangku pengawa menteri di renggat Perintah Besai diberi ngagai Sarawak ngambika menteri nya ila ulih mangku tanggungpengawa ngulihka hak autonomi Sarawak,” ku penerang nya.

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup