Baka ni menua Oya tau bulih nama?

Kelia kenu ku jerita, maya Pelilih Menua Mit Oya bedau bisi nama. Maya nya, bisi orang diri sebilik ari menua bukai nemuai ngagai sebatang sungai ti mega agi nadai benama.

Sida merambu deka ngaga genturung pendiau baru dia. Kenyau beberapa lama udah diau dia, sida ngereja mayuh bengkah pengawa dikena ngiga rejeki dikena ngidupka diri.

Entara pengawa digaga sida iya nya betanam betupi. Sepasang melaki bini ti tadi diau dia bisi ngembuan siku anak benama Yak. Yak mai reti anak dara dalam jaku Melanau.

Hari siti, apai Yak ngangauka anak iya ngena nyawa ti inggar (Oii Yak). Kangau nya ingar nyau didinga orang ari seberang sungai ti ngujungka nama palan nya dikangau enggau nama ‘Oya’. Ari nya nama Oya terus lekat dikelala datai ke sehari tu.

Ku penerang ari Palan Internet enggau Komoti Pemansang enggau Pengelikun Genturung Pendiau Pelilih Menua Dalat, pelilih menua nya ngembuan bungkur pemesai tanah 905.29 kilometer (349.53 batu persegi), ngembuan sebuah Opis Pelilih Menua sereta diuan 18,800 peranak (nitihka banchi 2010).

Diatu Pelilih Menua Dalat (2021) agi dipegai Pemesai Pelilih Menua iya nya Kueh Lei Poh lalu ba baruh pelilih menua tu bisi pelilih menua mit Oya, Pasar Dalat, Oya enggau Sungai Kut.

Oya ngembuan sebuah begunan sekula sekondari iya nya Sekula Sekondari Oya enggau ngembuan sekula primari iya nya Sekula Primari (SK) Datu Pengiran Mohamad, Sekula Primari Bansa China (China) Yak Tee, SK Kampung Senau, SK Kampung Bakong Terus enggau SK Kampung Teh.

OII YAK…Pengawa ti nganggauka nama Oii Yak didinga wai seberai ngujungka nama Oya lekat nyentuk ke sehari tu.

 

Pasar Sabtu Oya dedat laban mensia lebuh maya ujung minggu.

Suara Sarawak