ARTIKEL

Bala nembiak dipinta ngerebut peluang pelajar pechuma disedia perintah

Facebook
Twitter
LinkedIn
WhatsApp
Telegram

PUSA: Bala nembiak diansak ngerebut peluang pelajar pechuma ti disediaka Perintah Sarawak ngambi belajar bebendar nyentuk mujur ngambi ulih ngemansangka menua dudi hari.

Kaban Parlimen Batang Lupar, Mohamad Shafizan Kepli madah, Premier Sarawak, Datuk Patinggi Tan Sri Abang Johari Tun Openg chukup ngemeratka pelajar ke alai perintah nengeri deka nyendiaka pelajar pechuma ke deka belabuh ba taun 2026 ba institusyen pelajar tinggi diempu Sarawak.

Ba lansa sebaka, iya ngelalau apai indai beratika ulah nembiak sereta nentuka pemutus nyulut lalu enda bepanggai penuh ngagai pengajar ba sekula aja.

Iya nyemetak madah, pelajar nya pekara lumur satu baa pai indai laban nya ngubah pengidup sida sebilik enti anak sida mujur ba tikas tinggi.

Shafizan mansutka jaku nya ba Pengerami Apresiasyen Penyulut Pom Lima ba Sekula Sekondari (SMK) Beladin, Pusa, Hari Satu tu tadi.

Iya mega ngarapka pengajar SMK Beladin ulih begulai berandau baka ni ngemanah kualiti pelajar ba SMK Beladin nentuka pemutus nyulut ngagai nembiak di SMK Beladin.

Shafizan meri nyukung sebarang aktiviti ti udah diperambu raban sekula enggau nyendiaka nembiak SMK Beladin ti bulih A dalam Sijil Pelajaran Malaysia (SPM) deka diberi sagu ati RM100 ungkup genap A ti diulih.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU