ARTIKEL

TABI PUJI... Leoeinstein (kanan) nerima pemutus peresa ari Pengajar Wilson Ranggau ditu kemari.

Bala nembiak meseti bebasaka pengajar laban sida meri penemu beguna nyamin pengidup dudi hari

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

ENGKILILI: Bebasaka pengajar kunchi penyulut Leoeinstein Jawie Kullin bulih 9A ba peresa Sijil Pelajar Malaysia (SPM) 2023.

Nembiak nyulut SPM 2023 ari Sekula Sekondari (SMK) Engkilili nya madah, pengajar meh orang ti meri kitai penemu lalu beguna amat kitai bebasaka sida.

Iya madah, enti nadai pengajar udah tentu kitai nadai bulih penemu ti beguna lalu nya kebuah kitai patut bebasaka sida.

“Pengajar enda nyalah baka apai indai kitai ba sekula, nyiri kitai ngena penemu ngambi kitai bulih pengidup meruan dudi hari.

“Nya alai, ngena peluang tu, aku meri terima kasih ngagai bala pengajar ti udah ngajar aku ngelama tu.

“Penyulut aku ba peresa tu berekat ari sukung enggau embing semua kita,” ku iya.

Leo madahka diri berasai lantang bulih pemutus peresa ti nyulut ba SPM 2023 enggau ngemegahka sida sebilik kelebih agi apai indai ti dikesayau.

Iya madahka diri enda nyangka tau bulih pemutus peresa nyulut baka nya tang nya asil ari pengiruh iya ti bebendar belajar ngelama tu.

Pengudah tembu sesyen belajar ba sekula enggau bejalaika aktiviti diri ninting hari, muak ke lemai enggau malam iya sigi magi awak diri belematika baru topik ti dipelajar enggau ngaga kereja rumah ti diberi pengajar.

Nangkan nya, iya madahka diri deka nyambung pelajar ba Universiti Malaya (UM) tauka Universiti Tenologi MARA (UiTM) dikena ngamat juluk diri nyadi luyar.

BERITA LAIN

BERITA TERBARU