ARTIKEL

*UNGKUP KENANG…* Kullin (tengah) begambar ungkup kenang enggau bala komiti besai STU rambau Aum Komiti STU Renggat Ketiga ti diatur tiga hari berunggu ba Bintulu kena 16 nyentuk 18 Februari tu.

Bala pengajar deka ngasai mayuh pemaik lebuh nyadi kaban STU

Facebook
Twitter
LinkedIn
WhatsApp
Telegram

KUCHING: Serakup Pengajar Sarawak (STU) meransang bala pengajar kelebih agi pengajar baru ngerejister diri nyadi kaban gerempung nya.

Presiden STU, Kullin Djayang madahka STU endang chakah negi hak enggau nyaga pengelantang bala pengajar.

Iya madah, ukai naka nya aja, kaban gerempung nya deka ngasaika mayuh pemaik ti bisi disedia STU.

“Nya nyengkaum pengawa nambahka tikas perais pinchin kaban STU ngagai RM1,000 bepelasarka timpuh sida nyadi kaban gerempung tu.

“STU bela nyendia insurans aksiden sepenyampau RM100,000 ngagai semua kaban gerempung tu bepelasarka atur taja pen sida nadai meli sebarang insurans kediri.

“Kaban STU mega deka ngasaika bantu penyakit raya sepenyampau RM1,200, bantu pemarai RM1,200 ungkup kaban gerempung tu empu enggau bantu pemarai laki tauka bini sepenyampau RM500.

“Ukai naka nya aja, kaban STU deka nerima bantu pemarai RM200 enti apai indai enggau anak sida midang.

“STU mega deka meri insentif ngagai anak kaban gerempung tu ti bulih pemutus peresa nyulut,” terang iya.

Baca lain  Kitai patut bechuan menua Belanda

Kullin mansutka jaku nya rambau Aum Komiti STU Renggat Ketiga ti diatur tiga hari berunggu ba Bintulu kena 16 nyentuk 18 Februari tu tadi.

Iya mega madah, kaban STU deka ngasaika rega murah tauka diskaun ba sebarang kedai makai, kedai kereban tulis enggau hotel ti nyadi bakih kunsi gerempung nya ba selampur Sarawak.

Ku iya, dunya pelajar kemaya hari tu majak mar lalu bala pengajar enda tinggal napi pemar ari bala apai indai enggau komuniti.

Nya alai, ku iya, STU nyendia bantu Servis Luyar Pechuma ngagai kaban sida ti nerima dawa bekaul pangku pengawa sida tang STU enda bekerejasama enggau penyalah.

Dikena ngangkat kualiti pelajar, Kullin madah, STU bisi ngatur program pemansang profesional nyengkaum meri kus enggau seminar bekaul runding dikena nyaga pengerai runding kaban sida.

“STU mega sebuah gerempung ti chakah bejalaika aktiviti ngintu pengelantang nengah Program Tanggungpengawa Sosial Korporat sida,” ku iya.

Ungkup penerang, STU sebuah gerempung pengajar pemadu besai ba Borneo ti ngembuan 29,107 iku kaban sereta chakah negika hak enggau pengelantang pengajar.

Baca lain  Kreativiti Wesley Juntan ngaga agum barbie tau ditunda

STU mega nanggam kerejasama rat enggau gerempung bukai baka Kongres Gerempung Pengereja Pengawa Perintah (CUEPACS) sereta Kongres Gerempung Pengereja Pengawa Malaysia (MTUC) kelimpah gerempung pengajar antarabansa baka Education International (EI) enggau Asean Council Of Teachers (ACT+1).

Nya alai, Kullin ngarap bala pengajar enda masau peluang ngerejister diri nyadi kaban STU.

BERITA LAIN

Maul Lang puh nyapai juluk nyadi pemerindang

SYLVESTER RIANGsuarasarawak.news@gmail.com GENAP iku kitai bela ngembuan minat enggau juluk kediri empu ba sesebengkah pengawa tang ukai reti semua juluk nya ulih dikeamat baka ti

Sarawak nyadi pengeluar besai lada ba Malaysia

MINDY VELARIE CASILYSuarasarawak.news@gmail.com SERIAN: Sarawak dirikod ngeluarka 31,994 tan metrik lada ba taun 2023. Sapit Menteri Industri Pemakai, Komoditi, enggau Pemansang Wilayah (M-FICORD), Datuk Martin

Simunjan deka disikap ngena palan komersial

SIMUNJAN: Projek pemansang komersial ba sitak Simunjan bisi pengulih nyungkak ekonomi peranak lokal kelebih agi bala pedagang mit. Projek nya mungkur pengawa ngaga medan selera,

RM10,000 nganti Kumang Gawai Betong 2024

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais

BERITA TERBARU

Dua bot ditahan langgar syarat sah lesen

TANJUNG MANIS: Agensi Penguatkuasaan Maritim Malaysia (Maritim Malaysia) Zon Maritim Tanjung Manis menahan dua bot tempatan selepas disyaki melanggar syarat sah lesen dalam satu operasi,