ARTIKEL

Bala pengeluar bup diperansang ngulih belanja ari Turu Mudah Chara Pesaka, Seni enggau Main Asal Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bala pengeluar bup ti begunaka belanja tauka napi penanggul pekara wang dikena ngeluarka bup diperansang mantai peminta sida ngagai Turu Mudah Chara Pesaka, Seni enggau Main Asal Sarawak.

Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan madah, Perintah Sarawak udah ngagihka belanja RM6.1 juta ungkup industri kreatif tang rayat apin mantai peminta sida.

“Kami udah nyukung semilan pengawa ngeluarka bup ba taun 2022 enggau tujuh iti ba taun 2023.

“Taun tu apin nerima sebarang peminta ari raban bekaul lalu kitai agi bisi laluh agih belanja sepenyampau RM6.1 juta ba taun tu,” ku iya.

Snowdan mansutka jaku nya ba Program Nyuaka Perais Pekit Ngarang DayakDaily’s Gastronomy and I: My Favourite Dish ba Hotel Imperial ditu, sehari tu.

Nya alai, iya ngelalau bala pengarang enggau gerempung minta agih belanja nya ari opis menteri sida.

“Siti ari atur minta agih belanja tu iya nya bup ti dikeluarka kita meseti ngisah pasal main asal tauka pesaka seni Sarawak, sejarah enggau adat asal, cherita rayat, dialek, jaku, pekayan etnik enggau ti bukai.

“Enti deka nemu penerang silik pasal pengawa minta agih belanja tu, sida ti beminat diperansang neresa website kami,” ku iya.

BERITA LAIN

BERITA TERBARU