ARTIKEL

Balingian terus dikemansang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MUKAH: Taja pelilih menua pesisir nerima projek ke enda besai tang tu entara ubah ke manah dikena ngemansangka menua pesisir.

Adun Balingian Abdul Yakub Arbi madah iya deka terus ransing bejalaika pengawa ungkup semua peranak menua di Balingian awakka enda tinggal ari arus pemansang.

“Taja tu semina siti projek mit, tang aku deka semua peranak menua Balingian ngasai semua pemansang perengka guna ti bisi tu,” ku iya.

Iya bejaku munyi nya ba siti Program Serakup Komuniti ti diatur Opis Penerang (Japen) Pelilih Mukah di Dewan Integrasi, Kampung Jebungan kemari.

Ungkup sitak Balingian, bantu sepenyampau RM5 juta diberi ngagai genap pengari rayat kena ngemasangka sitak diri empu kebendar agi enda chukup.

“Apin mayuh agi tanggungpengawa baka projek bukai ti patut dipejalaika maya nyadi Adun di sitak Balingian tu,” tandu iya.

Ngelansa pengawa betuchuk vaksin, iya ngelalau peranak menua di sitak Balingian tau datai ngambi vaksin di Palan Meri Vaksin (PPV) ti semak dikena nagang pengerekai igi penyakit Covid-19.

“Atur Pengawa Standard (SOP) nitihka garis atur pengerai ari Perintah Nengeri enggau Opis Menteri Pengerai patut semampai dijaga taja udah nerima dua dos vaksin Covid-19,” ku iya.

Berebak enggau nya, iya mega meri 20 kambut pemakai ari Palan Kereja DUN Balingian ngagai orang ti bisi nerima bantu di sitak nya.

Sama mega bisi datai ngulu pengawa nya, Pegawai Penerang Pelilih Mukah, Syahrulizan Madian, Pengari Pegawai Pelilih Mukah Peleadzman Ahip enggau Ketuai Polis Pelilih Mukah DSP Muhamad Rizal Alias.

BERITA LAIN

BERITA TERBARU