ARTIKEL

SIMPUL JURAI… Dr Rundi mantaika dokumen simpul jurai opis menteri iya, ditu kemari. -GAMBAR MOHD ALIF NONI

Bank Gene diseleti ngintu genetik padi asal

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

INDUN SILONG
suarasarawak.sv@gmail.com

KUCHING: Opis Menteri Industri Pemakai, Komoditi enggau Pemansang Wilayah Sarawak benung ngepunka pengawa ngintu penatai genetik berau asal nengah pengawa nyeleti kereban nyimpan benih padi ba Palan Pemansik Betanam Betupi Semenggok.

Menteri Industri Pemakai, Komoditi Enggau Pemansang Wilayah Sarawak, Datuk Seri Dr. Stephen Rundi Utom madah, palan pemansik tu dikenuku nyadi Bank Gene laban ulih nyimpan benih padi ti engkeman sereta moden.

“Inisiatif tu beguna endar laban Bank Gene ulih negapka penatai genetik utai tumbuh.

“Pengawa nyeleti palan nya dipejalai berenggat ke alai Renggat Keterubah beungkus RM300,000 lalu dipelaba tembu November 2024,” ku iya.

Dr Rundi bejaku munyi nya lebuh nyimpul jurai Opis Menteri Industri Pemakai, Komoditi enggau Pemansang Wilayah Sarawak rambau Aum Kunsil Nengeri (DUN) Ke-19 ba DUN Sarawak, ditu kemari.

Iya madah, ba pengawa nya mega, opis menteri iya udah ngenuku sekeda palan di Sarawak nyadi zon varieti dipilih baka padi Bario di Tanah Tinggi Bario, padi Adan di Ba’Kelalan, padi Biris di Lubok Punggor, padi Bajong di Lubok Nibong, Betong enggau padi Wai di Sri Aman.

Ku iya, berau nyadi pemakai ti balat kritikal ngagai rayat Sarawak enggau pengeluar berau ba taun 2023 ti semina urung 118,000 tan metrik tauka 32 peratus ari tikas ungkup beridup (SSL).

Iya madah, ungkup nyapai 60 peratus SSL, Sarawak patut mansutka enda kurang ari 236,000 metrik tan padi tauka penyampau 142,000 metrik tan berau.

“Dikena nyapai 100 peratus SSL, Sarawak patut ngembuan 17,500 hektar palan baru ti disikap perengkaguna pemun awakka ulih ngasilka 392,000 tan metrik padi tauka 235,000 tan metrik berau manggai taun 2030.

“Opis menteri aku udah ngelala palan baru ti deka disikap perengkaguna pemun tu baka nanam padi varieti tinggi di Sri Aman, Kapit, Mukah enggau Limbang.

“Opis menteri aku mega ngatur kerejasama enggau Opis Tanah enggau Survei Sarawak dikena ngelala Tanah Nengeri ti engkeman endur nanam padi baka ti diperambu Premier Sarawak, Datuk Patinggi Tan Sri Abang Johari Tun Openg,” ku iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

PMNS komited perkasa pembangunan sukan Muaythai

BINTULU: Persatuan Muaythai Negeri Sarawak (PMNS) komited memperkasa pembangunan sukan Muaythai di negeri ini. Usaha ke arah itu tampak jelas apabila badan induk berkenaan menganjurkan