Bantu bayar PTPTN 30 peratus : 9,000 nembiak Sarawak bulih pemaik

KUCHING: Manggai 9,000 iku nembiak Sarawak ke kala belajar ba Palan Pelajar Tinggi (IPT) ba menua tu deka bulih bantu mayar laluh duit pinjau ari PTPTN ari Perintah Sarawak.

Direktor Yayasan Sarawak Azmi Bujang madah Perintah Nengeri nengah Yayasan Sarawak udah nyuaka chek RM30 juta nya ke meri pemaik ngagai 9,000 iku nembiak Sarawak ke udah dipilih raban PTPTN.

“Inisiatif tu semina ulih diterima nembiak ke udah mayar abis nadai 30 peratus ari penyampau duit injau PTPTN sida.

“Udah nya, Yayasan Sarawak mayar 30 peratus ari laluh duit injau sida,” ku iya.

Iya madah munyi nya pengudah pengawa nyuaka chek RM30 juta ngagai PTPTN diarika Tuai Pegawai Eksekutif iya, Ahmad Dasuki Abdul Majid seraya dikemataka Kepala Menteri Datuk Patinggi Abang Johari Tun Openg ba sebengkah pengawa ke diatur ba Opis Kepala Menteri ditu kemari.

Nya alai, Azmi ngarapka nembiak ke bulih bantu nya teruska pengawa mayar laluh duit injau sida ngagai PTPTN.

Suara Sarawak