ARTIKEL

Bantu disedia nitih peminta

Facebook
Twitter
LinkedIn
WhatsApp
Telegram

SIBU: Bantu belanja ungkup orang seranta ari Perintah Sarawak nya nitihka peminta lalu ukai bpelasarka raban bansa enggau jalai pengarap.

Menteri Pemansang Indu, Anak Mit enggau Pengintu Pengelantang Komuniti Sarawak (KPWK), Datuk Seri Fatimah Abdullah madah, kadang bisi orang salah peragam pasal bantu nya semina diberi ngagai Bumiputera aja.

“Nya kebuah, peragam ti salah meseti dibuai,” ku iya nyemetak.

Fatimah mansutka jaku nya ba pengawa nyuaka setipikit ngagai Agnes Tiong Hui Sing berindik ari penyulut iya menang dua midul engkeraju nengah lumba ping pong ba Lumba Olimpik Khas Dunya 2023 Berlin ti diatur ba Sepital Sibu, kemari.

Ku iya, berindik ari mayuh komuniti China ti begunaka bantu tang rikod nunjukka kurang peminta bantu perintah ari komuniti China.

Kaban Kunsil Nengeri (ADUN) Dalat nya madah, sida ulih minta bemacham bantu seagi sida rayat Sarawak.

Tu nyengkaum Turu Wakaf, Bantu Indai Baru Beranak (BIB) enggau bantu berubat.

Fatimah madah, indai Tiong, Chua Hong Bing mega patut bulih bantu ninting taun ari perintah laban siku indai tunggal ti ngibun tiga iku anak.

Baca lain  Pendam Micheal Riman mujur disemin pagi tadi

Chua, siku kerani tadika ke mega ex-atlit taekwando Sukma Sarawak.

Ngelansa pasal pemujur Agnes ti bulih midul engkeraju ba kategori solo enggau beregu, Fatimah madah, atlit beumur 14 taun nya udah nempa siti agi pemujur.

“Ukai mudah nyapai tikas dunya laban iya meseti nengah renggat sekula, bagi menua, nengeri enggau nasional dulu.

“Iya teulihka pemujur berekat sukung indai iya, Chua Hong Bing enggau jurulatih Mary Chung,” terang iya.

Fatimah mega minta Perintah Besai nengah Opis Menteri Pemansang Nembiak enggau Lumba meri insentif enggau ngaku semua atlit Para Sarawak ti ngarika Malaysia ari penyulut sida di Lumba Para Asia empai lama.

“Sarawak deka ngereja pengawa ti sebaka di baruh opis menteri Datuk Seri Abdul Karim Rahman Hamzah ke mega Opis Menteri Nembiak, Lumba enggau Pemansang Orang Dagang,” terang iya.

Sama datai Sekretari Mendam KPWK, Noriah Ahmad enggau Tuai Palan Pemansik Klinikal Sepital Sibu, Dr Toh Teck Hock.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU