ARTIKEL

Bantu nyerangkung semua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BETONG: Tiga Dun di baruh Parlimen Betong ngagihka 1,000 bantu pemakai nengah Pakej Nyaga Rayat enggau Ngemanahka Ekonomi (Pemulih) ti dibantaika Menteri Besai Tan Sri Muhyiddin Yassin kena 28 June tu tadi.

Kaban Parlimen Betong, Datuk Robert Lawson Chuat madah, 3,000 bantu pemakai ke beungkus RM100 siti nya udah enggau deka disadung ngagai peranak ti tusah ketegal pandemik Covid-19 tu.

“Kitai bisi Dun Saribas, Layar sereta Bukit Saban enggau bela nerima 1,000 bantu pemakai ke deka disadung ngagai rayat ti tusah nadai ngira raban bansa, pengarap enggau pekara politik.

“Nya kebuah, inisiatif tu dikearap ulih nyerakup rayat laban kami (perintah) enda belampung ati mantu semua rayat,” ku iya nerang ngagai Suara Sarawak pengudah ditanya pasal bantu pemakai ke deka disadung nengah Pakej Pemulih, ditu kemari.

Ku Lawson, ungkup Parlimen Betong, bantu pemakai nya disadung enggau kerejasama Opis Pelilih enggau Opis Pelilih Mit, Opis Pengintu Pengelantang Komuniti Bagi Menua Betong sereta gerempung ukai dikuasa perintah (NGO) sereta Palan Servis Adun Saribas, Layar enggau Bukit Saban.

“Terima kasih ngagai staf ke udah bebendar nyap nyendia enggau nyadung bantu pemakai nya,” terang iya.

Nambahka nya, iya ngarapka rayat semampai meri kerejasama nagang igi penyakit Covid-19 tu sereta besampika menua kitai jampat suman ari pandemik ke majak ngerekai enggau varian baru tu.

Ujung bulan nyin kemari, lebuh mantaika Pakej Pemulih tu, Muhyiddin madahka bantu pemakai nya belanja tambah ngagai program ke diatu ngena agih belanja RM300,000 ngagai genap Kaban Parlimen nyengkaum Kaban Parlimen ari parti penyakal.

“Lebuh nyuaka bantu ngagai rayat, aku deka nganjung bantu nya taja bebida politik.

“Semua kitai mesti bejalaika tanggung pengawa begulai sekalika Kaban Parlimen ari parti perintah tauka penyakal ngambi mantu rayat ti tusah kelebih agi maya pandemik tu.

“Kena mih agih belanja nya enggau manah dikena mantu rayat ti tusah ba sitak parlimen kita,” ku iya nerang.
Ba lansa bukai, Adun Layar, Gerald Rentap Jabu bejadika pengawa nyuaka bantu pemakai Pemulih Parlimen Betong ngagai bala penerima ba konstitusyen iya.

Urung 1,000 bantu pemakai disadung ngagai PKMB Betong, Opis Pengarap Islam Bagi Menua Betong, Gerija Saint Augustine Betong enggau Gerempung Mulaika Pemanah Ulah Che Zhong Khor Betong.

Rentap muji pengawa Robert ke udah berumban nyadung bantu pemakai ngagai rayat.

BERITA LAIN

BERITA TERBARU

Selangor FC belasah NSFC, 4-0

KUALA LUMPUR: Selangor FC menjaringkan kesemua gol pada babak kedua untuk menumpaskan Negeri Sembilan FC (NSFC) 4-0 pada aksi Liga Super 2024/2025 di Stadium Majlis

Industri media Malaysia perlu ada acuan sendiri

KUCHING: Menteri Komunikasi Fahmi Fadzil berkata ketua-ketua pengarang di Malaysia mahu industri media di negara ini dibentuk mengikut acuannya sendiri. Beliau berkata mesej itu disampaikan