ARTIKEL

Bantu pemakai disadung ba Taman Samarindah, Kota Samarahan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Peranak Taman Samarindah ti benung bejalaika Atur Mindah Betagang Dipekul (PKPD) nerima bantu ari Opis Pengintu Pengelantang Mensia Mayuh Sarawak (JKMS).

Nitihka penerang ke dibantai gerup Facebook Taman Samarindah Kota Samarahan, pengawa nyadung bantu pemakai ngagai Lorong 1 ngagai Lorong 27 benung chakah dipejalaika.

Bantu pemakai tu diberi bekau ari palan nya diasuh bejalaika PKPD kenyau 17 Ogos tu tadi.

Entara barang ti diberi iya nya berau, mi, gula, kupi, teh, milo, meehun, minyak makai, kuie enggau ke bukai.

Sitak Taman Samarindah sebuah palan ti besai sereta ngembuan peranak ti tebal agi gawa di Kota Samarahan tauka Kuching.

Apin lama Tamu Bandar Riyal semak taman tu mega ditutup ungkup mensia mayuh laban bisi ngerikodka kes kena rampit Covid-19.

Dalam penerang Komiti Penyangga Penusah Nengeri (JPBN) ensana, PKPD mega diatur ba Lorong 28 ngagai Lorong 32 Taman Samarindah enggau Taman Samarindah Baru berengkah 20 Ogos nyentuk 30 Ogos 2021.

BERITA LAIN

BERITA TERBARU