ARTIKEL

SIRU… Nancy (kiba) bemain enggau anak kedua niang Joanna seduai Haslie ti baru beumur setaun di Kampung Engkaroh Tebakang, Serian ditu tadi.

Bantu tambah RM3,000 ari YKN ungkup niang Joanna sebilik

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Orang sebilik enggau niang Laskar Kelas l JJM Joanna Felicia Rohna nerima bantu tumu ari Yayasan Pengelantang Pendiau Menua (YKN) penyampau RM3,000.

Menteri Pemansang Indu, Ruang Bilik enggau Komuniti, Datuk Seri Nancy Shukri madah, bantu nya nambah ke bantu tumu ti dipadah Perintah Besai sebedau tu enggau penyampau RM10,000.

“Sehari tu, aku datai ngabas sida niang sebilik lalu nganjung bantu tumu dikena ngelempungka tating belanja munyi ti dipadahka aku kemari (ensana).

“Perintah Besai udah madah meri bantu tumu RM10,000, nya alai kami ari YKN mega meri bantu tumu penyampau RM3,000,” ku iya.

Nancy bejaku munyi nya lebuh ditanya pemberita pengudah ngabas sida niang sebilik di Kampung Engkaroh Tebakang, Serian ditu, tadi.

Ku iya, Opis Pengintu Pengelantang Mensia Mayuh (JKM) Serian mega deka seruran betanya ngagai ruang bilik nya dalam meri bantu ti patut.

“Kami mega bisi madahka pasal servis kaunseling ngagai sida enti sema diguna nangkan tu ila.

“Ungkup diatu, ruang bilik tu disaup mayuh bala sida empu tang kitai enda nemu engka udah tu ila engka sida begunaka kaunseling raban kaunsilor JKM di Serian sigi sedia mantu,” ku iya.

Sama bisi datai Tuai Pemesai Eksekutif YKN, Norfina Haron enggau bala bukai.

Kena Hari Dua tu tadi, Joanna ti asal ari Kampung Sumpas Tampek, Serian entara 10 iku ti midang dalam insiden dua buah bilun engkabang belantak sereta labuh di Pengkalan Soldadu Tasik DiRaja Malaysia (TLDM) Lumut, Perak kena pukul 9.32 pagi lebuh Belatih Meri Basa Ngintu Hari TLDM Ke-90.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)