ARTIKEL

Basil purih orang berani

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BASIL Laman Amin madahka minat ba seni ngetanka diri, Kuntau Dayak, engka ari getah darah apai enggau indai iya ti tebilang enggau pengawa ngayau kelia.

“Nyangka nya ti ngasuh minat aku ba pengawa tu chukup dalam, nunda semangat aki ini kelia ti tebilang enggau pengawa ngayau

“Diumbaka niang apai endang orang ti ngemeranka seni Judo ti mega siku Pegawai Veteran Perang PDRM ba taun 70-an,” ku iya.

Basil madah baru, niang aki iya endang orang ti ngemeranka Kuntau Dayak ti tebilang ba sepemanjai Batang Seterap, Sungai Tenggang, Pantu-Lingga enggau menua Sri Aman maya nya suba.

BASIL LAMAN AMIN chakah ba pengawa ngetan enggau nyaguka seni kuntau ba Sarawak kelimpah mayuh peneleba ba macham pengawa.

Pemungkal Combat Fight Gym (CFG) ba Wangsa Melawati, Kuala Lumpur sedia ngiri penemu dikembuan iya ngagai nembiak rebak baru ti minat seni ngetanka diri tu.

“Aku seruran sedia bedua penemu ngagai rebak baru ambika sida ulih besaup enggau aku ngetanka seni kuntau enggaika lenyau pia aja.

“Aku rindu agi ngajar kuntau ari sukut hybrid ungkup Seni Kuntau Champur ba Martial Art (MMA).

“Niat enggau tuju aku deka beguulaika ‘unsur’ Jujitsu Brazil (BJJ), Sambo, Kurash, Gusti, Pankration, Catch Wrestling enggau Judo,” ku iya ngepunka randau enggau Suara Sarawak.

PURIH ORANG BERANI

Terang Basil, minat ba seni ngetanka diri nya engka ari getah darah apai enggau indai iya ti tebilang enggau pengawa ngayau kelia.

“Nyangka nya ti ngasuh minat aku ba pengawa tu chukup dalam, nunda semangat aki ini kelia ti tebilang enggau pengawa ngayau

“Diumbaka niang apai endang orang ti ngemeranka seni Judo ti mega siku Pegawai Veteran Perang PDRM ba taun 70-an,” ku iya.

Basil madah baru, niang aki iya endang orang ti ngemeranka Kuntau Dayak ti tebilang ba sepemanjai Batang Seterap, Sungai Tenggang, Pantu-Lingga enggau menua Sri Aman maya nya suba.

NGANSAH PENAU

Terubah Basil belajar seni kuntau nya nengah Kaunsil Taekwando Dunya (WTF) ba Sekula Primari (SK) Polis, Depot Jalai Semarak di Kuala Lumpur.

“Maya nya aku nerima latih ari ExChampion Taekwando Malaysia, Jeetender Kumar Rai ti kala bulih midul ba Lumba Asia enggau Pekit Asia,” ku iya nampung kenang.

Basil madahka diri kala belajarka Krav Maga, sebengkah seni ngetanka diri soldadu Israel enggau siku soldadu Romania ti bepangkat Sarjan (B) Gheorghe Husar di Spartan Krav Maga (UK) Newcastle, England sepengelama setaun.

Ba taun ke bukai mega, Basil udah nembuka pelajar ba Urban Self Defense Sistem (USDS) ti nerima embing tiga guro.

Entara guro ti bela meri iya penemu rambau nya suba iya nya soldadu komando, koreografer filem ti ngembuan kuntau asal benama Sarjan (B) Farhad Al-Khatib ke mega nyadi Chairman Gerempung Kuntau Champur (MMA) Putrajaya.

Bela matih Basil iya nya Chairman Laskar Terengganu, Yusran Hashim ti ngembuan pengelandik ba 13 bengkah kuntau sereta Basil mega nerima latih ari Syful Irwan Rosli siku pengemeran kuntau ke tebilang.

“Syful tu uchu ngagai pemungkal Silat Sendeng iya nya Haji Hamid lalu sida iya mayuh ngelatih tim tauka unit elit raban pengelikun menua nguna chara ‘outsourcing’ suba,” ku cherita Basel.

MAYUH GURO

Basil ti ngembuan setipikit pemun nyadi Jurulatih Muay Thai ari Kaunsil Muay Thai Sarawak, belajarka Muay Thai enggau tinju ari Feroce Gym Batu 3 Kuching sereta nerima iring Jurulatih Kevin @ Manqing.

“Dulu agi ari tu, aku sempat belajarkaka main tinju ari Tuai Jurulatih Tinju Universiti Northumbria, Mark Telford ba Newcastle England,” tandu Basil.

Ba pengawa belajarka Kuntau Spring 12, Basil madahka diri nerima mayuh iring ari bala guro ke tebilang ba kuntau nya.

Entara Kuntau Spring 12 ti bisi ditemu Basil iya nya Chabang Mahaguro Merayang ari Guro Majakatar Blayah di Kuching.

“Aku mega sempat belajarka Kuntau Spring 12 tu Chabang Mahaguro Kiroh ari Guro Patrick Tuat sereta mega belajarka Kuntau Ngayau (Tempur) Bukit Saban iya nya Chabang Pedang Dua.

“Pengawa aku belajarka kuntau tu nengah Pampang Kuntau Ngayau Moden (KGM) ari Guro Felix Kent enggau Pencha Pedang ari Guro PWI (B) Master Penghulu Adi Jala,” terang iya.

Diatu, Basil agi belajarka seni ngetanka diri ari Guro Francis Yong Sow Chien iya nya entara ‘pakar’ seni ngetanka diri ti tebilang di Kuching.

Iya madah baru, Guro Francis ngembuan mayuh pengelandik ba bidang seni ngetanka diri ari Jipun, Korea, Melayu enggau China ti diajar chara kediri (peribadi).

“Ari baruh ajar Guro Francis, aku bisi teulihka penemu ba seni ngetanka diri Filipina, Kali (Arnis/Esrima) Chabang Dan Inosanto (dipungkal pelajar enggau kaban niang Bruce Lee).

“Pia mega belajarka seni ngetanka diri ari Hong Kong-Amerika, Kung Fu Jun Fan (Bruce Lee Jun Fan) enggau Jeet Kune Do (ditengkebang Bruce Lee mega) ba Akademi Kelab Wushu Chun Hua di Kuching nyentukka seharitu,” ku iya.

REGAS BA NGO

Basil mega madah, seni ngetanka diri endang mayuh bansa ti mega ulih dipekunsi nengah chara berandau enggau seminar dikena nambahka penemu.

Basil ti mega siku kaban ba dalam Gerempung Silaturrahim Kerabat Persilatan Malaysia Senusantara (GabunganGSKPMS) ngarapka nembiak rebak baru bisi minat belajarka kuntau.

Kelimpah ari ngembuan penemu ba kuntau, Basil mega siku orang ti chakah bejalaika tangunggpengawa ba dalam Gerempung Ukai Dikuasa Perintah (NGO).

Entara NGO ti bisi dipasuk Basil iya nya South East Asian Anglican Youth Conference, kala nyadi Mandal Chairman Terabai Menua Pampang Kuching, Gerempung Pembela Anak Jati Sarawak (PPAJS) enggau Ketapu Lanjang Dayak Sarawak.

Iya mega nyadi kaban Gerempung Raban Dayak Kuching (GRDK) sereta kala nyadi Komiti Gerakan Belia 4B Pampang Petaling Jaya Utara.

Iya ti mega nyadi kaban nembiak Parti Pesaka Bumiputera Bersatu (PBB) ba Parlimen Bukit Begunan lalu dipaduka nyadi Penyanding Penemu Mendam Kelab Kuntau Pangka Benak, Simanggang enggau Chairman Gerempung Kuntau Iban Sarawak (SIKAR).

Basil ti ngembuan pelajar ba bidang Undang-Undang ari Universiti Northumbria Newcastle, chukup regas bemain bol lalu kala belatih enggau Tim PDRM FA ba Renggat Nasional ungkup umur 14 enggau 16 taun suba.

“Diatu aku deka fokus ngatur sereta ngaduka mayuh macham program ari peneleba ti dikembuan aku.

“Aku arapka Kuntau Dayak tu maju sereta nyulut ngambi seruran nyadika pengerembai seni ngetanka bansa kitai,” ku Basil ngujungka randau.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU